Khek-pán ìn-siōng

Khek-pán ìn-siōng (Eng-gí: stereotype "suh-te-lio-thaip") tī siā-hōe sim-lí-ha̍k siōng sī tùi it-tēng chióng-lūi ê lâng he̍k-chiá sī tāi-chì ê chi̍t thò siūⁿ-hoat. Chit khoán siūⁿ-hoat bô khak-si̍t tio̍h kap hiān-si̍t siô-siâng. Khek-pán tī lâng sim-lí-siōng ê chūn-chāi tiāⁿ-tiāⁿ sī kò-thé pún-sin bô chū-kak--ê.

Gí-goân

Stereotype ê gí-goân sī Hi-lia̍p-gí stereos (στερεός, "ngē-pán, kò͘-tēng") kap typos (τύπος, "ìn-siōng") ê cho͘-ha̍p, piáu-bīn ê ì-sù chio̍h sī "kòe-tēng ê ìn-siōng".