Kin-chio pe̍h-ōe
Kin-chio pe̍h-ōe, ia̍h sī kóng kin-chio pe̍h-á, sī Tâi-oân chi̍t koá sai-lâm-pō͘ ê Siraya chng-siā liû-thong ê kóng-ōe hong-sek.
Hun-pò͘
siu-káiChûn-chāi ê só͘-chāi pau-koat Pîn-tōng-koān ê Ko-chhiū-hiong, Lāi-po͘-hiong, Bān-tan-hiong, Chhia-siâⁿ-hiong; Ko-hiông-chhī Lāi-mn̂g-khu, Chhân-liâu-khu, Kah-sian-khu; kap Tâi-lâm-chhī ê Chó-tìn-khu, Sin-hòa-khu, Koan-biō-khu. Lēng-gōa tī chi̍t koá tùi Pîn-tong sóa kòe Hoa-lián-koān kap Tâi-tang-koān ê pō͘-lo̍k ia̍h ū.
Khó-lêng ê khí-goân
siu-káiŪ ha̍k-chiá[1] thui-chhek Kin-chio pe̍h-ōe m̄-sī tùi Siraya ê giân-gú piàn--lâi-ê, kap kin-chio sán-gia̍p èng-tong mā bô koan-hē. Kin-chio pe̍h-pe khó-lêng ū chi̍t ūi goân-chhòng-chiá, i khó-lêng sī Tiúⁿ-ló-kàu-hōe ê lâng. Jî-chhiá chit khoán ōe khó-lêng sī Pêⁿ-po͘ goân-chū-bîn tùi-khòng Ji̍t-pún thóng-tī ê sî-kî sán-seng--ê, iû-kî sī khó-lêng kap Ta-pa-ni Sū-kiāⁿ ū koan-hē.
Sû-lūi
siu-káiKok-tē kap kò-jîn ho͘-im ke-kiám bô-kâng, í-hā sī pō͘-hūn chiam-tùi kò-jîn chhái-hóng ê kiat-kó.
Sò͘-jī
siu-kái| Sò͘-jī (Hàn-jī) | Kin-chio pe̍h-ōe | Tâi-oân-ōe |
|---|---|---|
| 一 | li̍t-chí | chi̍t |
| 二 | ln̄g-nīn | nn̄g |
| 三 | naⁿ-siⁿ / na-si | saⁿ |
| 四 | nì-sì / lì-sì | sì |
| 五 | lo͘-gū / lō͘-gī | gō͘ |
| 六 | ga̍k-li̍t | la̍k |
| 七 | lit-chhì | chhit |
| 八 | leh-peh / leh-pih | peh |
| 九 | láu-áu | káu |
| 十 | la̍p-si̍p / la̍p-chi̍t | cha̍p (si̍p) |
Chham-khó
siu-kái- 陳慕真 (2010-09-30). "Siraya平埔族人ê秘密語：台南縣新化鎮「芎蕉白仔」調查". 臺灣風物. 60 (3).
- ↑ Iûⁿ Sim-hū (楊森富) kap Kán Bûn-bín (簡文敏)
Liân-kiat
siu-kái | Pún bûn-chiuⁿ sī chi̍t phiⁿ phí-á-kiáⁿ. Lí thang tàu khok-chhiong lâi pang-chō͘ Wikipedia. |