Ló͘ Sìn

Tiong-kok ê sió-soat-ka, su-sióng-ka (1881–1936)

Ló͘ Sìn (魯迅; 1881 nî 9 goe̍h 25 ji̍t – 1936 nî 10 goe̍h 19 ji̍t) gôan-miâ Chiu Chiuⁿ-siū (周樟壽), āu-lâi kái-chòe Chiu Chhiū-jîn (周樹人), sī chi̍t-ê Tiong-kok bûn-ha̍k-ka, hoan-e̍k-ka ia̍h phêng-lūn-ka. I sī Sin-bûn-hòa Ūn-tōng ê léng-tō-chiá chit-it, mā-sī Tiong-kok hiān-tāi bûn-ha̍k ê chhōa-thâu-lâng chit-it.

Ló͘ Sìn, 1936 nî.

Ló͘ Sìn ê chok-phín ū A-Q Chèng-tōan (阿Q正傳), Kông-jîn Ji̍t-kì (狂人日記) téng-téng, hong-keh ū pe̍h-ōe mā-ū bûn-giân, tùi Tiong-kok ê siā-hōe ia̍h thôan-thóng bûn-hòa ū chin-chē phe-phòaⁿ.