Lô Hóng-mûi

Lô Hóng-mûi (羅訪梅, 1888 nî 10 goe̍h 7 ji̍t - 1963 nî) sī Hok-kiàn chhut-sin ê Tâi-oân oē-ka kiam liap-iáⁿ-ka.

I kap i-ê ka-cho̍k tī 1910 nî-tāi khí kàu Tâi-oân, āu-lâi kap i-ê kiáⁿ-jî tī Tâi-pak khai-siat oē-koán kap siá-chin-koán, sī siāu-siōng-oē kap lâng-siōng siá-chin ê choan-bûn.

Lô Hóng-mûi mā sī tang-iûⁿ-oē oē-ka, pat ji̍p-soán 1933 nî ê Tâi-oân Bí-su̍t Tián-lám-hoē.

Chham-khó

• 廖瑾瑗. 台灣的祖先畫. 民間藝術綜合論壇論文集: 民間藝術保存傳習計畫綜合論壇: 界限的穿透.