Lō͘-se-a ê só͘-chāi hun-lūi

Lō͘-se-a kap āu So͘-liân kî-thaⁿ chi̍t-kóa chiu ê só͘-chāi hun-lūi hē-thóng hām kî-thaⁿ kok-ka sio-pí ū chi̍t-kóa te̍k-sû-sèng.

Lō͘-se-a ê hiān-tāi hun-lūi

To͘-chhī só͘-chāi

• Siâⁿ-chhī kap siâⁿ-tìn (город, gorod; hù. города, goroda)
• Hiong-tìn (посёлок городского типа, posyolok gorodskogo tipa; hù. посёлки городского типа)

Chng-kha só͘-chāi

Tī Bân-lâm-gí, m̄-bián hun hiah chheng-chhó, thong-chheng chò "chng-thâu" ia̍h "chng-kha só͘-chāi" (chiàu Eng-gí ê kóng-hoat sī "rural locality"; kî-tiong, "locality" tī Bân-lâm-gí kiò chò "só͘-chāi", só͘-í lán hoan-ek chò "chng-kha só͘-chāi") tio̍h ē-sái.

• Chng-thâu (деревня, derevnya; hù. деревни, derevni)
• Selo (село, selo; hù. сёла, syola), mā hoan-ek chò "chng-thâu"
• Chng-kha só͘-chāi (посёлок (сельского типа), posyolok (selskogo tipa); hù. посёлки (сельского типа))
• Stanitsa(станица, stanitsa; hù. станицы, stanitsy), le̍k-sú siōng ū ēng kòe.
• Sloboda(слобода, sloboda; hù. слободы, slobody), le̍k-sú siōng ū ēng kòe.
• Khutor (хутор, khutor; hù. хутора, khutora), mā ū lâng kóng "hamlet", "homestead" ia̍h "chng-thâu".