Lūi-pia̍t thó-lūn:Ô·

Goá koh lâi iau-pá-chhá--ah XD Tāi-chì sī án-ne--ê, goá jú lâi jú kám-kak ô· chit-ê sû ê ēng-hoat í-keng cháu-cheng--khì-ah. Nā chá-chêng ê pe̍h-oē, seⁿ-sêng-ū--ê sī kóng "thâm"(潭) (chhin-chhiūⁿ Ji̍t-goa̍t-thâm), jîn-kang khui--ê kóng "pi"(埤, chhin-chhiūⁿ 雙連埤), tông-jiân teh ēng ê sî-chūn ē sio-lām, thâm kap pi bô kóng hun kah kài bêng.

Koh sui-jiân "ô·" oan-nā ū toā-chúi-thâm ê ì-sù (Tâi-ji̍t ū siu), m̄-koh "ô·" tī bîn-kan ká-ná khah chia̍p sī ēng tī kóng phûn-tē ê só·-chāi (chit-ê ì-sù mā siu tī Tâi-ji̍t ê ô· lāi-té--leh), lán Tâi-oân chin chē ū 湖--jī ê tē-miâ, goân-té mā bô chúi-thâm tī hia, sī tē-hêng chiâⁿ-chò phûn-tē niā-tiāⁿ.

Chiàu án-ne kóng--khí-lâi, goá chin siūⁿ-beh kā ū chúi--ê choân ēng thâm kap pi lâi kóng, ô· tō choan-kang lâu hō· phûn-tē (phûn-tē èng-kai sī aū--lâi chiah ū ê kóng-hoat góa siūⁿ), m̄-chai ta̍k-ê khoàⁿ-hoat án-choáⁿ... 15:31 Chhit--goe̍h 18, 2006 UTC Taokara

Kám ū chit hong-bīn ê chu-liāu ē-tàng chham-khó? Te̍k-pia̍t sī chiam-tùi chit kù: "Tâi-oân chin chē ū 湖--jī ê tē-miâ, goân-té mā bô chúi-thâm tī hia, sī tē-hêng chiâⁿ-chò phûn-tē niā-tiāⁿ". Ló͘-la̍t. A-giâu 06:20, 20 Chhit-goe̍h 2006 (UTC)

1.Toā-ô·: Biâu-le̍k ê Toā-ô·, chit-má tē-hêng sī kóng Toā-ô· phûn-tē, khêng-si̍t bô thâm bô pi, Toā-ô· pún-sin goân-té tō-sī toā phûn-tē ê ì-sù.

2.pùn-ki-ô·: Tâi-oân ū chin chē só·-chāi tē-hō-miâ kiò-chò "pùn-ki-ô·", pí-lūn Tâi-pak-chhī Lāi-ô·-khu Se-an-jī-lí (台北市內湖區西安二里), Lâm-káng-khu Kū-chng-lí (南港區舊莊里), Tâi-lâm-koān Pe̍h-hô-tìn Hô-tang-lí (台南縣白河鎮河東里), Ha̍k-kah-tìn Thaû-káng-lí (學甲鎮頭港里), Ko-hiông-koān Sam-nâ-hiong Sam-nâ-chhoan (高雄縣杉林鄉杉林村), chiah-ê só·-chāi kāng-khoán bô thâm bô pi, kan-taⁿ tē-hêng sī seⁿ-chò chhiūⁿ pùn-ki ê phûn-tē, só·-í hō-chò pùn-ki-ô·. (chhiáⁿ chham-khó chit-phiⁿ lūn-bûn: http://www.nhcue.edu.tw/~gitll/main/art%20(8).doc, lāi-té tùi "ô·" tī Hō-ló ê ì-sù ū chò koé-soeh. Koh chit-phiⁿ mā ū chò hun-lūi: http://www2.tku.edu.tw/~tahx/class/taiwan/lend-name.doc)

3.Kî-thaⁿ ê lē: Ko-hiông-koān ô·-lāi (高雄縣湖內), Ka-gī-chhī ô·-lāi-lí (嘉義市湖內里), Sin-tek-chhī Lāi-ô·-lí (新竹市內湖里), Biâu-le̍k-koān Se-ô·-hiong (苗栗縣西湖鄉) téng-téng.

Í-siōng,

Taokara 15:21 Chhit--goe̍h 20, 2006 (UTC)