Liān-iû-chhiúⁿ

Liān-iû-chhiúⁿ (煉油廠) sī teh chhú-lí chio̍h-iû thê-liān ê tōa-hêng kang-tiûⁿ, kā goân-iû cheng-liān liáu-āu pun chò kúi-nā khoán ū chē chióng iōng-tô͘ ê chio̍h-iû sán-phín, chhin-chhiūⁿ khì-iû, chhâ-iû téng jiân-liāu kap kî-thaⁿ hòa-kang goân-liāu. Tī liān-iû-chhiúⁿ lāi, kin-kì bô-kâng ê iû-phín ū bô-kâng ê tan-goân chong-tì chìn-hêng ka-kang chhú-lí, chhin-chhiūⁿ cheng-liû, chhui-hòa, tiông-cho͘, ka-khin lia̍t-kái téng-téng. Tī cheng-liû tan-goân, cheng-liû-thah sī siāng tiōng-iàu ê chong-tì, i thang kā keng-kòe ī-jia̍t kap thoat-iâm ê goân-iû lī-iōng hut-tiám ê bô-kâng lâi chìn-hêng hun-lī. Chio̍h-iû sán-phín thang pun chò khin-iû, tiong-iû kap tāng-iû.