Manga Time Kirara Forward
Manga Time Kirara Forward (Ji̍t-gí: まんがタイムきららフォワード, Hepburn-sek: Manga Taimu Kirara Fowādo) sī Hong-bûn-siā (芳文社)--ê tē 4 pún Kirara he-lia̍t bàng-gah cha̍p-chì, chhùn-chhioh sī B5.
Kóng-kò slogan sī "Sī-kak kò͘-sū bàng-gah-chì" (ビジュアルストーリーコミック誌). Kap kî-thaⁿ chí-moē cha̍p-chì bô-kâng, chú-iāu sī choē-keh--ê kò͘-sū bàng-gah, m̄-sī 4-kheh bàng-ga, iā khan khah chē kho-hoàn kap kî-hoàn (奇幻) kò͘-sū.
2006 nî 3 goe̍h 23 ji̍t chhòng-khan (Vol.1), sī Manga Time Kirara--ê cheng-khan-hō (增刊號), 2007 nî 2 goe̍h--ê cheng-khan-hō (Vol.5) í-āu kái-chò goe̍h-khan, chū 2007 nî 8 goe̍h 24 ji̍t to̍k-li̍p goa̍h-khan, goe̍h-khan--ê hō-bé mā ùi NO.1 khai-sí sǹg.
Tōng-oē-hoà--ê chik-phín ū: Chia̍h-bāng-chiá (食夢者) Merry, Ha̍k-hn̂g Ko͘-tó, Minori Scramble!, Hanayamata kap Anne Happy♪ téng. Tōng-oē Tông-jîn (同人) Work, Mô͘-hoat Siàu-lú Madoka Magika kap Aldnoah.Zero--ê bān-oē-pán mā tī chit pún cha̍p-chì khan.