Manuel Noriega

Manuel Antonio Noriega (1934 nî 2 goe̍h 11 ji̍t – 2017 nî 5 goe̍h 29 ji̍t) sī Panama ê 1 ê chiong-kun. I tī 1983 nî 8 goe̍h 12 ji̍t kàu 1989 nî 12 goe̍h 20 ji̍t sī Panama ê si̍t-chè choè ko léng-tō-jîn kap to̍k-chhâi-chiá.

1989 nî 12 goe̍h, Bí-kok chhim-lio̍k Panama, i cháu khì Vaticano tāi-sú-koán. 1990 nî 1 goe̍h 3 ji̍t tâu-hâng, hō͘ Bí-kok lia̍h khì Florida, in-ūi bi̍t-su to̍k-phín ê choē, phoàⁿ 40 nî kam-kìm. M̄-koh i tī 2007 nî thê-chá pàng chhut-lâi.