Michael Crichton
Michael Crichton (1942 nî 10 goe̍h 23 ji̍t – 2008 nî 11 goe̍h 4 ji̍t) sī Bí-kok ê chok-ka, chè-phìⁿ, tō-ián kiam i-seng. I ê kho-ki khióng-pò͘ ia̍h i-ha̍k siáu-soat chin ū-miâ, chhin-chhiūⁿ Congo, State of Fear, Prey, Next chham Jurassic Park téng-téng, ū-ê koh phah-chòe tiān-iáⁿ. Chhú-gōa, Michael Crichton mā-sī tiān-sī-kio̍k ER ê chhòng-chok-jîn.
Michael Crichton in-ūi gâm-chèng, tī Los Angeles kòe-sin.
Chhut-sin
siu-káiJohn Michael Crichton tiām 1942 nî 10 goe̍h 23 tī Chicago siâⁿ chhut-sì, pē-bú sī John Henderson Crichton kap Zula Miller Crichton. I sī ùi New York ê Long Island tē-hng tòa-hàn, chêng sè-hàn to̍h hèng-chhú siá bûn-chiong, pat tī The New York Times hoat-piáu.
Siáu-soat
siu-káiJurassic Park
siu-kái1990 nî, i chhut-pán siáu-soat Jurassic Park. Kap chìn-chêng chi̍t kóa chok-phín sio-siâng, i ēng chi̍t khoán "hi-kò͘ tòng sū-si̍t" (fiction as fact) ê lí-lō͘ siá kò͘-sū. Lī-ēng loān-cha̍p lí-lūn (chaos theory) tī kò͘-sū tang-tiong ké-soeh sū-kiāⁿ.