Nâ Iū-sî
Nâ Iū-sî (藍又時; 1985 nî 1 goe̍h 31 ji̍t chhut-sì ), pún-miâ N̂g Bí-jû (黃美如), Eng-bûn miâ Shadya Lan, sī Tâi-oân Tâi-pak-chhī chhut-sin ê chi̍t ūi cha-bó͘ koa-chhiú. Ùi Hoâ-kong Gē-hāu Piáu-ián-gē-su̍t-kho pit-gia̍p. I bo̍k-chiân toà tī-leh Tâi-pak, sī Seng-bēng-chhiū Im-ga̍k Chhòng-ì Kang-chok-sek ê koa-chhiú. Nâ Iū-sî tī i 17 hòe ê sî-chūn chiū bē tē-it tiâu koa hō͘ Lâu Jio̍k-eng, hit-tang-chūn kám-kak jîn-seng iáu-koh ū chiâⁿ chē sî-kan thang-hó siá koa hō͘ ka-kī kah-ì ê koa-chhiú, só͘-í chiah soán-te̍k liáu "sî" (時) chit-ê hàn-jī, lēng-goā koh ka-siōng in āu-chek ê sèⁿ "Nâ" kap liân-chiap-sû "iū", chiū chiâⁿ-chò i-ê pit-miâ, lo̍h-bóe mā it-ti̍t ēng chit-ê miâ-hō lâi chhòng-chok kap chhut choan-chip.
