Ngô͘ Tek-kong

Ngô͘ Tek-kong (吳德功; 1850 nî  – 1924 nî ), piáu-jī Lú-lêng (汝能), hō Li̍p-hian (立軒), Tâi-oân Chiang-hòa chhut-sin. Ngô͘ sī Chiang-hòa Gîn-hâng ê kî-tiong chi̍t ūi chhòng-pān-jîn; i tùi Chiang-hòa tē-khu ê siā-hōe hok-lī mā chiâⁿ ū kòng-hiàn, bat chú-chhî kòe Chiang-hòa ê io̍k-eng-tn̂g, tiong-gī-sû, kap chiat-hàu-sû ê tiû-kiàn sū-gî. I āu-lâi tī Chiang-hòa Chiat-hàu-sû ê tiông-siu kap khian-kiàn siōng mā ū chhut-la̍t.

Ngô͘ Tek-kong

Ngô͘ Tek-kong ê tù-chok ū Sūi-thô-chai Si-kó (瑞桃齋詩稿), Sūi-thô-chai Bûn-kó (瑞桃齋文稿), Tè-àn Kì-lio̍k (戴案紀略), Si-àn Kì-lio̍k (施案紀略), Jiōng-tâi-kì (讓臺記), Chiang-hòa Chiat-hàu Chheh (彰化節孝冊), kap Tâi-oân Iû-kì (臺灣遊記) téng chheh.