Tungsten-kǹg

Tungsten-kǹg he̍k O͘-kǹg (Hàn-jī: 鎢鋼; Eng-gí: tungsten carbide), hun-chú-sek siá WC he̍k W₂C, sī hâm-ū tungsten kap thoàⁿ ê hòa-ha̍k-bu̍t, kap titanium carbide sio-siâng. In-ūi i ê tēng-tō͘ hui-siông koân, tiāⁿ hō͘-lâng the̍h-lâi tāi-thè soān-chio̍h chò chhiat-siah ê kang-kū, géng-bôa-châi, kap bearing. O͘-kǹg mā in-ūi i ê nāi-bôa-sèng hō͘-lâng sú-iōng lâi chò chhiú-pió-toà kap kiat-hun chhiú-chí.