Pat Sèng Ji̍p Bân

Pat Sèng Ji̍p Bân (八姓入閩; Bân-tang-gú: Báik Sáng Ĭk Mìng) sī Tiong-kok Se Chìn Chìn Hoâi-tè Éng-ka (永嘉) sî-kî (308 nî), toā-tīn tiong-goân tē-khu ê jîn-bîn ūi-tio̍h beh siám-pī chiàn-loān, soá lâi tēng-ki chāi kin-á-ji̍t ê Hok-kiàn-séng. Chia chú-iàu ū Lîm, Tân, N̂g, Tēⁿ, Chiam, Khu, Hô kap ô͘ 8 ê jī-sèⁿ, kî-tiong ū chin toā chi̍t pō͘-hūn tēng-ki chāi hok-kiàn ê iân-hái, le̍k-sú-ha̍k hō-chò "i-koan lâm-tō͘, Pat Sèng Ji̍p Bân".

taⁿ, hok-chiu chhī-bîn tiong, sèⁿ Lîm, Tân, N̂g, Tēⁿ chit 4 ê toā sèⁿ ê jîn-kháu chiàm chi̍t-poàⁿ í-siōng, só͘-í ū chi̍t kù sio̍k-gú sī án-ne kóng: "Tân Lîm chi̍t toā-poàⁿ, N̂g Tēⁿ moá ke pâi" (陳林蜀大半, 黃鄭滿街排; Dìng Lìng siŏh duâi buáng, Uòng Dâng muāng gă̤ bà̤).