Phîⁿ Oán-jû
| 這篇文章有漢字兮版本。 參考這篇文章兮漢字版本。 |
Phîⁿ Oán-jû（Hàn-jī miâ-sìⁿ：彭婉如） | |
|---|---|
| Chhut-sì |
1949 nî 7 goe̍h 13 ji̍t |
| Sit-chong | 1996 nî 11 ge̍h 30 hō |
| Chōng-thài | gū-hāi |
| Koè-sin |
1996 nî 11 ge̍h 30 hō—12 ge̍h 3 hō chi-kan（47hè） |
| Si-thé hoat-hiān |
 Tiong-hôa Bîn-kok Ko-hiông-chhī Chiáu-chhêng-khu bó͘ pa̍t-á hn̂g |
| Kok-che̍k |
Tiong-hôa Bîn-kok |
| Chèng-tóng |
 Bîn-chú Chìn-pō͘ Tóng |
| Kiáⁿ-jî | Âng Chàn-thian（Kiáⁿ，1977 nî－） |
Phîⁿ Oán-jû (Hàn-jī siá-chòe 彭婉如，1949 nî 7 ge̍h 13 hō - 1996 nî 11 ge̍h 30 hō), Tâi-oân Sin-tek-chhī lâng, lú-koân ūn-tōng-chiá. Chi̍t-sì-lâng tī sèng-pia̍t pêng-koân kah hū-lú ūn-tōng phah-piàⁿ. Ūi-tio̍h beh tī siā-hōe siōng lo̍h-si̍t sèng-pia̍t pêng-koân, tâu-ji̍p chèng-tī, chhui-kóng chē-chē hāng pó-chiong lú-sèng ê hoat-àn. Pat tī Hū-lú Sin-ti Ki-kim-hōe tam-jīm pì-su-tiúⁿ, tī Chú-hū liân-bêng Khoân-kéng Pó-hō͘ Ki-kim-hōe kah Hū-lú Kiù-oān Ki-kim-hōe tam-jīm táng-sū, tī Boán-chêng Hū-lú Hia̍p-hōe chòe lí-sū-tiúⁿ, tī Bîn-chú Chìn-pō͘ tóng Hū-lú pō͘ chòe chú-jīm.
1996 nî 11 ge̍h 30 hō àm-sî, chē kè-thêng-chhia lī-khui Chiam-bí pn̄g-tiàm liáu-āu, tō sit-chong. 12 ge̍h 3 hō hō͘ lâng tī Ko-hiông-koān Chiáu-chhêng-hiong (Hiān-chú-sî ê Ko-hiông-chhī Chiáu-chhêng-khu) hoat-hiān si-thé, hióng-nî 47 hè.