Portal:Gē-su̍t/Selected biography/1

N̂g Chheng-tiâⁿ (黃清埕) sī Tâi-oân ê gē-su̍t-ka, choan-koàn tiau-khek kap iû-oē, 1912 nî tī Phîⁿ-ô͘ Sai-sū chhut-sì, . I te̍k-pia̍t chhut-miâ ê chi̍t pak chok-phín iû-oē O͘-saⁿ Cha-bó͘. tha̍k kong-ha̍k-haū ê sî tō khai-sí toè Laû Chheng-êng (劉清榮) o̍h oē-tô͘. 1925 nî khó tiâu Ko-hiông Tiong-ha̍k, m̄-koh tè-bé kò͘ oē-tô͘, soà lâi thoè-ha̍k. 1933 nî laū-pē sàng i khì Tang-kiaⁿ chún-pī khó i-kho, m̄-koh 1936 nî i chaú khì khó Tang-kiaⁿ Bí-su̍t Ha̍k-haū, khó tiaû tiau-sok-kho. 1939 nî i kap Tân Hā-ú (陳夏雨) chò-hoé ji̍p-soán Tè-tián. 1940 nî ji̍p-soán Ji̍t-pún Tiau-khek-ka Hia̍p-hoē ê nî-tián, 1941 nî tit tio̍h Tiau-khek-ka Hia̍p-hoē-siúⁿ.