Princess Principal

Princess Principal (プリンセス・プリンシパル, Purinsesu Purinshiparu) (プリンセス・プリンシパル, Purinsesu Purinshiparu) sī chit-pō͘ Ji̍t-pún tōng-ōe, iû Studio 3Hz kapActas chè-chok. Tō-ián sī Masaki Tachibana, pian-kio̍k sī Ichirō Ōkouchi, jîn-bu̍t siat-tēng sī Kouhaku Kuroboshi kap Yukie Akiya, im-ga̍k sī Yuki Kajiura. I ùi 2017 nî 7 goe̍h kàu 9 goe̍h hòng-sàng. 6 chi̍p ê tiān-iáⁿ ē tī 2019 nî hòng-sàng. Gōa-toān ê iû-hì Princess Principal Game of Mission tī 2017 nî 8 goe̍h khai-sí êng-ūn.

Princess Principal
tóng-àn:Princess Principal, Title Card.jpg Promotional image.
プリンセス・プリンシパル (Purinsesu Prinshiparu)
Lūi-hêng	Action, Spy, Steampunk
Tiān-sī tōng-ōe hē-lia̍t
Tō-ián	Masaki Tachibana
Chè-chok	Ryoya Arisawa Kazuyoshi Nishikawa Tomoyo Ueji Hirotaka Kaneko Takeshi Ishigaki Takumi Ito
Kio̍k-pún	Ichirō Ōkouchi
Im-ga̍k	Yuki Kajiura
Chè-chok kong-si	Studio 3Hz, Actas
Siū-khoân	NA Sentai Filmworks UK MVM Films
Hòng-sàng	Tokyo MX, KBS, SUN, BS11, AT-X
Hòng-sàng kî-kan	July 9, 2017 – September 24, 2017
Chi̍p-sò͘	12
Iû-hì
Princess Principal Game of Mission
Tōng-ōe tiān-iáⁿ hē-lia̍t
Hòng-sàng	2019
Chi̍p-sò͘	6

Tāi-kong

Princess Principal kò͘-sū sī tī-leh goân-hêng sī Eng-kok ê só͘-chai Albion. Tī 20 sè-kí chhe, Albion Ông-kok kā chit-chióng kiò-chò "Cavorite" ê bu̍t-chit kui-óaⁿ-phâng, kiàn-chō chi̍t-ki khong-tiong lām-tūi, hō͘ Albion chiâⁿ-chò sè-kài siōng-kiông ê kok-ka. Tān-sī, Albion ê peh-sèⁿ put-móa thóng-tī kai-kip mo̍͘h-sī in ê sàn-chhiah, hoat-tōng "London kek-bēng" thui-hoan ông-sek. Chòe-āu, nn̄g-pêng kiong-chhî, chi̍t-bīn pia̍h khia̍h tī London ê tiong-ng, kā Albion hun-chò nn̄g-ê kok-ka: Kiōng-hô-kok kap Ông-kok.

Kúi-nî liáu-āu, Kiōng-hô-kok khai-sí "Tùi-ōaⁿ Chok-chiàn," kā Ông-kok ê Charlotte Kong-chú kap hām i kāng-bīn ê Ange tùi-ōaⁿ, ūi-tio̍h chò tī ông-ka ê thàu-á. Tān-sī, Kong-chú tian-tò hoat-kak chit-ê kè-ōe, jî-chhiáⁿ iau-kiû beh kap Ange hām in pêng-iú ha̍p-chok nā-sī in goān-ì pang-chō͘ i chiâⁿ-chò Ông-kok ê Lú-ông. Kò͘-sū tio̍h-sī gō͘-ê cha-bó͘-gín-á, pau-koat Kong-chú, tī Kiōng-hô-kok ē-kha chò thàu-á, tông-sî tī-leh chhut-miâ ê Queen's Mayfair school tha̍k-chheh.

Kak-sek

Chú-iàu kak-sek

Ange (アンジェ, Anje)

Voiced by: Ayaka Imamura

Chú-kak, sī chi̍t-ê 17 hòe ê kàn-tia̍p. I chin-gâu kóng-pe̍h-chha̍t kap hoat-kak pe̍h-chha̍t, tiāⁿ-tiāⁿ kóng i sī lâi-chū " O͘ Tō͘-tēng Seng-kiû." I ū chi̍t-lia̍p bú-khì "C kiû," ē-sái hō͘ tiōng-le̍k sit-hāu.

Princess (プリンセス, Purinsesu)

Voiced by: Akira Sekine

Charlotte Kong-chú (Prinecess) 17 hòe. I sī Normandy Kong-chiok ê sun-á, Albion Ông-kok kè-sêng sūn-ūi tē 4 ūi. I chin hó-tàu-tīn, chin siū peh-sèⁿ ài-tài. I ê goān-bōng sī chiâⁿ-chò Lú-ông, têng-sin thóng-it chit-ê kok-ka.

Dorothy (ドロシー, Doroshī)

Voiced by: Yō Taichi

20 hòe, gūi-chong chò ha̍k-seng, m̄-ku chin ài lim-chiú. Dorothy lī-iōng i-ê bī-le̍k goân-sèng jīm-bū, jî-chhiáⁿ chiâⁿ gâu phah-chhèng kap sái-chhia. I-ê pún-miâ sī Daisy MacBean, tān-sī tī in a-bú sí-khì koh hō͘ in a-pa chiú-chùi āu ka-pó liáu-āu tio̍h cháu--khì à. "Dorothy" sī in a-bú ê miâ.

Beatrice (ベアトリス, Beatorisu)

Voiced by: Akari Kageyama / Imitation Voice by: Fukushi Ochiai, Motomu Kiyokawa, Tesshō Genda, Kōsei Hirota, Hiroya Ishimaru

15 hòe ê kùi-cho̍k chú-tē, tiāⁿ-tiāⁿ ho̍k-sāi tī Kong-chú ê sin-khu-piⁿ. I ē-sái iōng in a-pa tàu-tī in nâ-âu ê ki-khì chong-tì mô͘-hóng bat-lâng ê siaⁿ.

Tōdō Chise (藤堂ちせ, Tōdō Chise)

Voiced by: Nozomi Furuki

Lâi-chū Ji̍t-pún Saga ê kau-ōaⁿ ha̍k-seng, goân-pún sī lâi ūi-tio̍h pó-hō͘ Ji̍t-pún tāi-sài bē hŏng àm-sat. I chin gâu kiàm-tō, hŏng jīn-ûi sī in gō͘-ê lâng tiong siông gâu chiàn-tàu--ē. I tiāⁿ-tiāⁿ piáu-hiān i tùi gōa-kok bûn-hòa ê bû-ti. I mā-sī Ji̍t-pún ê thàu-á, ūi-tio̍h koan-chhat hō͘ i siōng-si koat-tēng ài kap Kiōng-hô-kok iah-sī Ông-kok kiat-bêng.

Chhù-iàu kak-sek

L (エル, Eru)

Voiced by: Takayuki Sugō

Control ê sêng-oân, hū-chek chí-tō Principal Team.

7 (セブン, Sebun)

Voiced by: Miyuki Sawashiro

Control ê sêng-oân, hū-chek chí-tō Principal Team.

Tāi-chó͘ (大佐, Taisa)

Voiced by: Takumi Yamazaki

Control ê sêng-oân, Kiōng-hô-kok kun-tūi ê tāi-piáu.

Normandy Kong-chiok (ノルマンディー公, Norumandī Kō)

Voiced by: Takaya Hashi

Albion ê Lāi-bū Tāi-sîn, Charlotte Kong-chú ê a-chek. I hū-chek chhú-lí Ông-kok ê kàn-tia̍p sū-bū.

Gazelle (ガゼル, Gazeru)

Voiced by: Yūko Iida

Normandy Kong-chiok siōng sìn-jīm ê chi̍t-ê kàn-tia̍p, sī chi̍t-ê chhim-sek pōe-hū ê cha-bó͘, hū-chek siu-chi̍p chêng-pò.

Mûi-thé

Tōng-ōe

Chè-chok kong-si sī Studio 3Hz kap Actas. Tō-ián sī Masaki Tachibana, pian-kio̍k sī Ichirō Ōkouchi. Jîn-bu̍t siat-tēng sī Kouhaku Kuroboshi kap Yukie Akiya. Chit-ê hē-lia̍t ùi 2017 nî 7 goe̍h 9 ji̍t kàu 9 goe̍h 24 ji̍t hòng-sàng. Phìⁿ-thâu sī "The Other Side of the Wall", iû Void_Chords kap MARU ián-chhiùⁿ, phìⁿ-bóe sī "A Page of My Story", iû Ayaka Imamura, Akira Sekine, Yō Taichi, Akari Kageyama, kap Nozomi Furuki ián-chhiùⁿ.

Tiān-iáⁿ

6 chi̍p ê tiān-iáⁿ pán-pún 2018 nî 4 goe̍h 29 ji̍t soan-pò͘ ē tī 2019 nî khai-sí hòng-sàng. I ē ùi tiān-sī tōng-ōe siōng-bóe chi̍t-chi̍p khai-sí.

Pêng-kè

Princess Principal hō͘ sì-kè o-ló, chin-chē lâng jīn-ûi i sī 2017 nî siōng-hó ê chi̍t-chhut tōng-ōe. Kotaku kóng che sī 2017 nî joa̍h-thiⁿ siōng-hó ê tōng-ōe. 

Im-ga̍k mā chin siū khéng-tēng, iû-kî sī phìⁿ-thâu "The Other Side of the Wall". Chit siu koa hō͘ Chris Farris kap Theron Martin from Anime News Network jīn-ûi sī 2017 nî siōng-hó ê chú-tê-koa. I mā tī 2017 Crunchyroll's Anime Awards hŏng tê-miā.

Gōa-pō͘ liân-kiat

• Koaⁿ-hong bāng-chām (Ji̍t-gí)
• Princess Principal (anime) at Anime News Network's encyclopediaAnime News NetworkPrincess Principal (anime) at Anime News Network's encyclopedia
• Princess Principal teh IMDb