Lo̍k-thian Thô-oân

Lo̍k-thian Thô-oân (Hàn-jī: 樂天桃猿), koh hō-chò Rakuten Thô-oân, sī Tiong-hôa Chit-pāng ê chi̍t ki kiû-tūi, chiân-sin sī Lamigo Thô-oân, La New Hîm, Tē-it Kim-kong. 2003 nî, Tâi-oân Tāi-liân-bêng kah Tiong-hôa Chit-gia̍p-pāng-kiû Liân-bêng ha̍p-pèng, Tâi-oân Tāi-liân-bêng ê Tâi-pak Thài-iông kah Ko-pîn Lûi-kong ha̍p-pèng chò Thài-iông-tūi, koh kah Tâi-tiong Kim-kong hām Ka-lâm Ióng-sū ha̍p-pèng ê Kim-kong-tūi kau-ōaⁿ tūi-miâ, chiâⁿ-chò Tē-it Kim-kong. Nî-bóe Tē-it Kim-kong bē-tiāu, miâ kái-chò La New Hîm. 2011 nî in-ūi kiû-tūi poaⁿ-khì Thô-hn̂g, tio̍h kái-miâ hō-chò Lamigo Thô-oân. Lamigo kái-piàn-liáu Tiong-hôa Chit-pāng ê ka-iû hong-sek, koh-tī 2014 nî kàu 2019 nî 6-nî thê-tio̍h 5-pái chóng-koan-kun, mā oân-sêng tūi-sú tē-1-pái ê saⁿ-liân-pà, tān-sī tī 2019 nî nî-bóe soan-pò͘ beh kā kiû-tūi bē-tiāu, lo̍h-bóe sī bē hō͘ Rakuten (Lo̍k-thian), chiâⁿ-chò Lo̍k-thian Thô-oân.

樂天兮logo