Sam-pek Eng-tâi (1963 nî tiān-iáⁿ)

Sam-pek Eng-tâi (三伯英台) sī 1963 nî 4 goe̍h 24 khai-ián ê Tâi-gí-phìⁿ, sī Bí-to͘ Koa-kio̍k-thoân chú-ián ê koa-á-hì tiān-tiáⁿ.

1963 nî 5 goe̍h Tâi-oân Bîn-siaⁿ Ji̍t-pò téng-bīn ê kóng-kò.

Pún phìⁿ ê tō-ián sī Lí Choân-khe (李泉溪), lia̍p-iáⁿ sī Âng Khèng-hûn (洪慶雲), goân-pún sī 1959 nî Eng-tâi Pài-bōng (英台拜墓) ê chhái-sek teng-hip pán, sêng-pún tāi-khāi sī hit-tang-chūn ê Tâi-phiò 40 bān, pí-kàu 1962 nî pêng-kin Tâi-gí-phìⁿ ê chè-chok só͘-hùi 25 bān lâi kóng, sǹg sī tong-sî sêng-pún khah koân ê Tâi-gí-chhut.

Tiān-iáⁿ khai-ián liáu-āu, tu-hó tùi tio̍h hit chūn Hiong-káng Siō-sī Hiaⁿ-tī ê Niû San-pek ú Chiok Eng-tâi mā kòe Tâi-oân ián-chuht, kiat-kó Bí-tó͘ ê Tâi-gí-chhut tī siong-gia̍p-siōng sit-pāi. Liáu-āu, m̄-ná Bí-to͘ kái phah Hôa-gí-chhut, mā bô sáⁿ lâng chài koh ēng chhái-sek iáⁿ-phìⁿ lâi phah Tâi-gí-phìⁿ.

Chham-khó

• 蘇致亨 (2015). 重寫臺語電影史：黑白底片、彩色技術轉型和黨國文化治理 (sek-sū thesis). 國立臺灣大學.