Seng-hòa-ha̍k

Seng-hoà-ha̍k (biochemistry) sī leh gián-kiù oa̍h ê seng-bu̍t chái-iūⁿ chìn-hêng hoà-ha̍k hoán-èng kap chok-iōng. Hiān-chú-sî kan-taⁿ chai-iáⁿ Tē-kiû ū seng-bu̍t tī--leh, jî-chhiáⁿ lóng sī thoàⁿ-ki ham chúi-ki ê seng-bu̍t. Sui-bóng seng-bu̍t ê ûi-thoân bi̍t-bé (genetic code) ia̍h seng-hun-chú (biomolecule) sī chiàⁿ-pêng ia̍h tò-pêng, téng-téng te̍k-sèng ná-chhiūⁿ sī chhìn-chhái koat-tēng--ê, khêng-si̍t in lóng sī kāng-thiāu (common descent)--ê, seng-hoà hoán-èng lóng chin sio-siâng. Kaù taⁿ iáu m̄ chai kám ē ū pa̍t khoán seng-hoà hoán-èng.

Chià-thn̂g tāi-lí-khài sī siāng phó͘-phiàn ê thoàⁿ-chúi hoà-ha̍k-bu̍t.

Seng-hoà-ha̍k gián-kiù ê tùi-siōng sī sè-pau (cell) ê kiat-kò͘ kap kong-lêng, pí-lūn kóng nn̄g-pe̍h-chit, thoàⁿ-chúi hoà-ha̍p-bu̍t (carbohydrate), iu-chi (lipid), hu̍t-sng (nucleic acid), kap kok chióng ê seng-hun-chú. Lēng-goā, hoà-seng-ha̍k (chemical biology) mā ē-tit ēng hoà-ha̍k ha̍p-sêng (chemical synthesis) ê ki-khiáu lâi kái-koat seng-hoà-ha̍k tú--tio̍h ê chi̍t-koá būn-tê.