Si̍p-jī-gú

Si̍p-jī-gú (mā ū lâng kā hō-chò thiam-jī chhai) sī 1 khoán ioh oē-gú ê sû-lūi bē-chhai. Si̍p-jī gú it-poaⁿ sī 1-ê chhiat chò o·-pe̍h keh-á ê sì-kak-hêng. Ī-hoat: thiⁿ jī ji̍p-khì pe̍h keh-á, hō· in thán-hoâiⁿ a̍h-sī thán-ti̍t ē-tit khan chò 1 ê sû-tiâu. O· keh-á kan-taⁿ iōng-lâi keh-khui sû. Sû-tiâu ê chhōa-thâu keh-á it-poaⁿ ū kap 1-ê hō-bé. Siat-kè si̍p-jī gú ê lâng lia̍h chiah-ê hō-bé thê-kiong lâng chi̍t-kóa tiám-tuh ê oē-gí. Mā ū si̍p-jī gú lēng-gōa pò sû-tiâu ê jī-sò· hō· lâng chai (khah hó ioh).

Ji̍t-pún-sek ê si̍p-jī gú (iáu-bōe thiⁿ jī)

Tâi-oân Kàu-hōe Kong-pò tī 1920 nî-tāi (?) bat tēng-kî chhut-pán si̍p-jī gú hō· tho̍k-chiá tháu. Lōe-iông khah chē hām Sèng-keng chai-bat ū tī-tāi. Keh-á lāi sī thiⁿ 1-ê im-chiat, m̄-sī tan 1-ê jī-bó.

Gōa-pō· liân-kiat

• Crossword puzzles in Taiwanese