Sin-bûn cha̍p-chì

Sin-bûn cha̍p-chì (新聞雜誌; newsmagazine) it-poaⁿ sī kā sî-sū pò-tō chò te̍k-siá ê chiu-khan. Sin-bûn cha̍p-chì phó͘-phiàn pí pò-chóa chhim-ji̍p pò-tō, hō͘ tho̍k-chiá liáu-kái chiu-ûi tiōng-tāi sū-kiāⁿ ê pòe-kéng, m̄-nā sī sū-si̍t ê piáu-bīn. Sin-bûn cha̍p-chì ê pò-tō hong-sek mā éng-hiáng tio̍h kî-thaⁿ léng-he̍k ê thoân-pò͘ mûi-thé; chhiūⁿ tiān-sī-tâi kap kóng-pò tiān-tâi ê chhim-tō͘ pò-tō lūi-hêng ê chiat-bo̍k, tio̍h sī chi̍t-chióng iáⁿ-im-hòa ê sin-bûn cha̍p-chì.