Sin-ko-tông Su-tiàm
(Tùi Sin-ko-tông choán--lâi)
Sin-ko-tông Su-tiàm (新高堂書店 niitakadô-shoten) sī Tâi-oân Ji̍t-pún sî-tāi chhe kî khai-ki ê chheh-tiàm, khui tī Tâi-pak Êng-teng (榮町), thâu chi̍t tāi ê tiàm-chú sī Murasaki Nagaaki (村崎長昶).
Chit hō Sin-ko-tông oan-ná sī hit-chūn Tâi-oân chú-iàu chhut-pan-siā chi it, choan-bûn hoat-hêng kàu-kho-su, chham-khó-chheh, jī-tián, chèng-hú he̍k-chiá sī ha̍k-su̍t khan-bu̍t téng-téng, lēng-gōa mā ū ìn-soat ia̍p-su kap bé-bē bûn-kū.
Chiàn-āu, tiàm-chú lî-khui Tâi-oân, āu-bóe tī Tang-kiaⁿ têng-sin khai-gia̍p. In tī Tâi-pak ê goân chū-chí āu--lâi pìⁿ chò Tang-hong Chhut-pán-siā (東方出版社).