Sin-tek-koān (Ji̍t-pún sî-tāi)
Sin-tek-koān (新竹縣) sī Tâi-oân tī Ji̍t-pún thóng-tī sî-tāi chho͘-kî (1897 nî ~ 1898 nî) 6 koān 3 thiaⁿ sî-kî ê chi̍t ê koān-kip ê hêng-chèng-khu; iû goân-lâi Tâi-pak-koān ê Sin-tek-chi-thiaⁿ kap Tâi-tiong-koān ê Biâu-le̍k-chi-thiaⁿ só͘ ha̍p-pèng ê sin hêng-chèng-khu. I koán-hat ê hoān-ûi sī chit-má ê Thô-hn̂g-chhī ê sai-poàⁿ-pō͘, Sin-tek-koān, Sin-tek-chhī, Biâu-le̍k-koān kap Tâi-tiong-chhī ê sai-pak-pō͘. 1898 nî 6 goe̍h 18 hō, 6 koān 3 thiaⁿ kái-chè chò 3 koān 3 thiaⁿ, hòe-chí Sin-tek-koān.