Stan Lee

Stan Lee (goân-miâ Stanley Martin Lieber; 1922 nî 12 goe̍h 28 ji̍t – 2018 nî 11 goe̍h 12 ji̍t) sī Bí-kok ê ang-á-chheh chok-chiá, pian-chi̍p, tiān-iáⁿ chip-hêng chè-chok, kiam chhut-pán-chiá. I khah-chá sī Marvel Comics ê chú-pian-chi̍p, āu-bóe koh chò chhut-pán-chiá kap thâu-ke (chairman), lî-khui kong-si lâi-āu, oa-ná kè-sio̍k chò bêng-ū thâu-ke, kiam pian-chi̍p úi-oân-hōe sêng-oân.

2014 nî ê siōng.

Kap Jack Kirby, Steve Ditko téng gē-su̍t-ka ha̍p-chok, i chò-hóe chhòng-chō liáu chhan-chhiūⁿ Spider-Man, Hulk, Doctor Strange, Fantastic Four, Daredevil, Black Panther, X-Men téng kak-sek. Lēng-gōa, mā kap Larry Lieber chò-hóe siá chhut Ant-Man, Iron Man kap Thor.