Tâi-oân-lâng 400 Nî Sú

Tâi-oân-lâng Sì-pah-nî Sú sī kì-su̍t kiam hun-sek Tâi-oân le̍k-sú ê chheh, chok-chiá sī Tâi-oân to̍k-li̍p ūn-tōng-chiá Sú-bêng, tāi-seng sī 1962 nî chhut Ji̍t-bûn pán, sòa lòe 6 tang goân-sêng Hàn-bûn-pán, 1986 nî koh chhut Eng-bûn-pán.

Chok-chiá Sú Bêng tī chheh--nih ēng Ji̍t-pún-ōe só͘ siá ê ōe-thâu lāi-té ū siá tio̍h kóng, i soán-te̍k ēng Tâi-oân-lâng lâi chò chheh-miâ, bô-ài kan-na ēng Tâi-oân sī in-ūi i só͘ kì-lio̍k ê kháu-su̍t le̍k-sú si̍t-chāi hām hia-ê bo̍k-chêng lán só͘ khòaⁿ-ē-tio̍h--ê, ēng si̍t-bîn-chiá ê kak-tō͘ só͘ siá ê bûn-ha̍k chok-phín chha siuⁿ chē--a.