Tâi-oân ê i-ha̍k tiong-sim

I-ha̍k tiong-sim (醫學中心) sī Tâi-oân Tiong-hôa Bîn-kok Ōe-seng Hok-lī Pō͘ tī 1988 nî khí choân-bīn si̍t-si pēⁿ-īⁿ phêng-kàm liáu-āu, siāng koân téng-kip ê pēⁿ-īⁿ hun-kip.

I-ha̍k tiong-sim tû-liáu ū gián-kiù, kàu-ha̍k hùn-liān, cheng-bi̍t chín-toàn, ko-tō͘ i-liâu téng chē chióng kong-lêng í-gōa, iáu-koh ū hú-tō, hia̍p-chō͘ khu-he̍k lāi kî-thaⁿ i-liâu ki-kò͘ ê chek-jīm, pēng-chhiáⁿ su-iàu thong-kòe ū siat i-ha̍k tiong-sim sò͘-liōng hān-chè ê pēⁿ-īⁿ phêng-kàm. Ah in-ūi sò͘-liōng hān-chè bô-hoat-tō͘ he̍k-phêng i-ha̍k tiong-sim ê ko-téng-kip pēⁿ-īⁿ, ē-tàng pī phêng-kàm ûi "chún i-ha̍k tiong-sim" (準醫學中心).

Bo̍k-chiân, Tâi-oân chóng-kiōng ū 19 keng i-ha̍k tiong-sim kap 3 keng chún i-ha̍k tiong-sim.