Tâi-oân bîn-cho̍k-chú-gī

Tâi-oân bîn-cho̍k-chú-gī (台灣民族主義), he̍k-chiá kóng Tâi-oân kok-cho̍k-chú-gī (台灣國族主義), sī chi̍t chióng tī Tâi-oân-lâng tiong sēng-hêng ê bîn-cho̍k-chú-gī su-sióng. Chit-ê su-sióng í Tâi-oân ê pún-thó͘-chú-gī ûi ki-chhó͘, pēng sán-seng Tâi-oân chú-thé ì-sek téng lūn-su̍t, lâi tui-kiù Tâi-oân bîn-cho̍k lī-ek chòe-tāi-hòa, pái-thoat lâi-chū jīm-hô Tâi-oân í-gōa ê kok-ka bîn-cho̍k ê khòng-chè kap chi-phòe. Che mā tì-sú Tâi-oân to̍k-li̍p ūn-tōng ê chhut-hiān. Tâi-oân bîn-cho̍k-chú-gī hām cho̍k-kûn bîn-cho̍k-chú-gī bô-kāng, kan-na kiông-tiāu Tâi-oân-lâng èng-kai jīn-tông "Tâi-oân" chit-ê kok-ka, bô-lūn hiat-iân, chó͘-sian, bûn-hòa kap cho̍k-kûn.