Tâi-oân-lâng
| 這篇文章有漢字兮版本。 參考這篇文章兮漢字版本。 |
Tâi-oân-lâng (Hàn-jī:臺灣儂; Eng-gí: Taiwanese People) tī hia̍p-gī ê tēng-gī siōng, sī toà tī Tâi-oân (pau-hâm Tâi-oân-tó, Phêⁿ-ô͘ Kûn-tó, Le̍k-tó, Lân-sū kap Liû-kiû-sū) ê só͘-ū jîn-bîn. Kóng-gī lâi kóng, mā ē-sái tāi-piáu chū 1949 nî í-lâi, toà tī Tâi-phêⁿ Kim-má ê ki-bîn, iā chiū sī Tiong-hoâ Bîn-kok ê kok-bîn. Koan-î Tâi-oân-lâng ê cho̍k-kûn cho͘-sêng tāi-khài ē-sái hun-chò goân-chū-bîn kap Hoâ-hē (Hàn-jîn) nn̄g-toā cho̍k-kûn; kî-tiong Hoâ-hē chú-iàu koh ē-ēng sè-hun ûi Bân-lâm-hē, Kheh-ka-hē kap Goā-séng-hē. Bân-lâm-hē cho̍k-kûn ê jîn-kháu chiàm chhiau-kòe Tâi-oân chóng jîn-kháu ê 70%.
