Tâi-pak Tōa Khong-si̍p
Tâi-pak Tōa Khong-si̍p (臺北大空襲), he̍k-chiá kóng Tâi-pak Tōa Po̍k-kek (臺北大爆擊), sī chi̍t tiûⁿ hoat-seng tī Tē-jī-chhù Sè-kài Tāi-chiàn sî Ji̍t-pún thóng-tī ê Tâi-oân Tâi-pak-chhī cho-siū tio̍h siōng-tōa kui-bô͘ ê Bêng-kun khong-si̍p kong-kek hêng-tōng; hoat-seng tī 1945 nî 5 goe̍h 31 hō. Sui-jiân Bí-kun sū-sian ēng ī-tēng hong-chà ê cheng-hú kap kun-sū ki-koan téng, tān-sī iu-goân chō-sêng 3000-gōa miâ Tâi-pak ki-bîn tong-tiûⁿ sí-bông, tio̍h-siong kap bô-chhù ê lâng koh chhiau-kòe kúi-nā bān í-siōng. Tâi-pak-siâⁿ lāi chē-chē koaⁿ-gê, bîn-pâng lóng siū-tio̍h phò-hoāi, choân-húi, sún-sit chhám-tiōng.
