Tâi-siong
Tâi-siong (台商) sī lâi-chū Tâi-oân ê seng-lí-lâng. "Tâi" sī Tâi-oân ê kán-chheng, só͘-í "Tâi-siong" chit-ê sû hia̍p-gī siōng sī tùi tī Tâi-oân í-gōa tē-khu oa̍h-tāng ê Tâi-oân-che̍k seng-lí-lâng ê chheng-ho͘. Tâi-siong keng-êng ê hoān-ûi chin khoah, khan-liân seng-oa̍h tiong ê kok-chióng léng-he̍k. Kî-tiong, tiān-chú sán-phín te̍k-pia̍t hoat-ta̍t, tī sè-kài chhī-tiûⁿ téng chiàm ū chin tōa ê hūn-gia̍h.
1990 nî, Tiong-hôa Bîn-kok Chèng-hú khai-hòng Tâi-siong tùi Tiong-kok tāi-lio̍k chìn-hêng tâu-chu. Chho͘-kî tâu-chu í chè-chō-gia̍p ê lô-le̍k bi̍t-chi̍p hêng-thài ê sán-gia̍p ûi-chú, tâu-chu chè-chō-gia̍p chiàm 9-siâⁿ; lo̍h-bóe tòe tio̍h Tiong-kok Tāi-lio̍k thui-tōng keng-chè choán-hêng kap sán-gia̍p chāi-tē-hòa, chè-chō-gia̍p tâu-chu ê pí-tāng 1 tang 1 tang kàng kàu 2015 nî ê 59.1%; ho̍k-bū-gia̍p tâu-chu pí-tāng ùi 1997 nî ê 13.8% thê-seng chì 2015 nî ê 40.2%, chú-iàu í tâu-chu kim-iông kap pó-hiám-gia̍p ê chiàm-pí thê-seng liáu siōng kín. Chè-chō-gia̍p tâu-chu í chu-sìn tiān-chú-gia̍p ûi-chú, chho͘-kî tâu-chu bô kàu 15%, m̄-koh tòe tio̍h 2001 nî-té Lióng-hōaⁿ chêng-āu ka-ji̍p WTO kap Tâi-oân khì-gia̍p choân-kiû-hòa pò͘-kio̍k, 2000 nî-tāi chu-sìn tiān-chú-gia̍p tâu-chu kui-bô͘ chiām-chiām khok-tāi, tâu-chu pí-tāng thê-seng chì 35% kàu 40% chó-iū.[1]