Tâi-tiong Kang-gia̍p-khu
Tâi-tiong Kang-gia̍p-khu (臺中工業區) sī Tâi-oân tiong-pō͘ ê chi̍t ê tōa-hêng kang-gia̍p-khu, lē-sio̍k Keng-chè-pō͘ Kang-gia̍p-kio̍k koán-lí, tī Tâi-tiong-chhī Tōa-tō͘ Tâi-tē tang-chhek, chóng bīn-chek 580 kong-khéng, tī 1980 nî khai-hoat oân-sêng. Pak-pêng óa Tang-hái Tāi-ha̍k kap Tâi-oân Tāi-tō, lâm-pêng óa Tâi-tiong-chhī Cheng-bi̍t Ki-hāi Kho-ki Chhòng-sin Hn̂g-khu. Kang-gia̍p-khu lāi bo̍k-chiân chóng-kiōng ū 921 keng kang-tiûⁿ, chiông-gia̍p oân-kang 40,000 lâng, nî-sán-ti̍t Sin-tâi-phiò 3,299-ek îⁿ. Sin chìn-chù chhiúⁿ-siong tōa-pòaⁿ lóng sī ko-kho-ki sán-gia̍p, í-keng chiām-chiām ùi thoân-thóng sán-gia̍p choán hiòng ko-kho-ki sán-gia̍p māi-chìn. Lô-tōng-pō͘ Lô-tōng-le̍k Hoat-tián-sú Tiong-Chiang-Tâu Hun-sú kap Tâi-tiong Sè-bō͘ Tiong-sim mā siat tī chia.
