Tân Mûi-hūi
Tân Mûi-hūi（Hàn-jī: 陳梅慧, 1985 nî 11 ge̍h 5 ji̍t – 2024 nî 12 ge̍h 4ji̍t）sī Tâi-oân hu-gí hè-pè kau-ōaⁿ-só͘ XREX siú-se̍k blockchain kim-iông hoān-chōe tiau-cha-su, Tiong-san tāi-ha̍k Seng-bu̍t kho-ha̍k hē chhut-gia̍p. XREX ē-tóe siú-se̍k blockchain kim-iông hoān-chōe tiau-cha-su, siā-thoân hoat-jîn choân-kiû hoán chà-phiàn cho͘-chit Tâi-oân hun-hōe lí-sū-tiúⁿ. Tī 2024 nî 12 ge̍h 4hō thiⁿ-beh-kng ê sî, tī kok-tō Tiong-san-ko Ô͘-kháu lō͘-tōaⁿ chhut chhia-hō sí-bông.
Tân Mûi-hūi | |
|---|---|
| Koè-sin |
2024 nî 12 goe̍h 4 ji̍t (39 hòe) |
| Sí-in | Chhia-hō |
| Kok-che̍k |
 Tiong-hôa Bîn-kok |
Keng-le̍k
siu-káiBîn-kan su-hoat kái-kek ki-kim-hōe
siu-kái- 2013 nî - 2019 nî, tī Bîn-kan su-hoat kái-kek ki-kim-hōe tam-jīm pì-su.
- 2019 nî - 2020 nî, tam-jīm chhiòng-gī-pō͘ hù chú-jīm.
- 2019 nî - 2023 nî, tam-jīm chhiòng-gī-pō͘ chú-jīm.
- 2023 nî - 2024 nî, tam-jīm chhiòng-gī choan-oân.
XREX Inc.
siu-kái- 2024 nî, tī XREX Inc. tam-jīm blockchain hoān-chōe tiau-cha hun-sek-su.
- 2024 nî 11 ge̍h, hông《Sò͘-ūi Sî-tāi》cha̍p-chì soán chòe 2025 nî blockchain 30 tōa éng-hióng jîn-bu̍t - chhui-hòa-chiá.
Siā-hōe Phêng-kè
siu-káiN̂g Iāu-bûn: "Lán chòe-hé kì-tit i ê siān-liông, ióng-kám kap chèng-ti̍t, Miffy móa-móa ê "chhui-hòa-la̍t" beh éng-oán kap goán tông-chāi.
Hêng-sū-kiok kio̍k-tiúⁿ Chiu Iù-úi: "Tân Mûi-hūi kè-khì pat tàu-saⁿ-kāng tui-cha Chhòng-ì Su-pâng ê liû-hiòng, m̄-koán sī bé iáⁿ-phìⁿ ê hōe-oân, á-sī iáⁿ-phìⁿ lóng cha kah hui-siông chheng-chhó͘, Chiā oân hông kiám-kú lāu-sia̍p, si̍t-chè-siōng sī kap Tân Mûi-hūi tui-cha hu`-gí hè-pè liû-hiòng, chhē tńg--lâi pī-hāi-chiá hông koái--khì ê chhat-khoán, chit-kóa phah-piàⁿ put-eng-kai hông gō͘-kái."
Bîn-kan Su-hoat Kái-kek ki-kim-hōe: "Kàu-taⁿ, goán só͘ lí-kái ê i, lóng-sī hui-siông tan-sûn ê kám-kak, sè-kài ū thài-chē só͘-chāi, eng-kai ài piàn koh-khah hó. Khó͘-thàng lân chí, chèng-gī oh chhē, siⁿ-sí bû-siông, cheng-sîn éng-oán tī-teh."
Chham-ú Sū-chek
siu-kái2013 nî chìn-ji̍p Su-kái-hōe tam-jīm chip-hêng pì-su, iā hū-chek phian-chip《Su-hoat Kái-kek cha̍p-chì》, koaⁿ-bāng kiàn-kò͘ kap phian-chip, Facebook sió-pian, koán-lí chu-an kap chu-sìn hē-thóng.
2019 nî tam-jīm "Cho͘-chit Chhiòng-gī pō͘" chú-jīm, chóng tiū-pī Bîn-kan Su-kái-hōe ê siā-hōe chhiòng-gī kap siā-kûn ko͘-thong kang-chok.
2022 nî 8 ge̍h khai-sí, Tâi-oân pō-hoat chà-phiàn kau-kiat Kán-po͘-chē Jîn-kháu Hoàn-bē àn-kiâⁿ, i chū-tōng liân-hē Choân-kiû Hoán Chà-phiàn Cho͘-chit（GASO）tàu-saⁿ-kāng, chham-ú kiù-oān jîn-kháu hoàn-bē pī-hāi-chiá, hoat-hiān Tâi-Kán o͘-tō thàu-kè tē-hā hōe-tôe chìn-hêng jîn-kháu hoàn-ūn, pang-chān chà-phiàn siū-hāi-chiá kî-kan, hoat-hiān chin-chē hu-gí hè-pè kau-e̍k bāng-chām chà-phiàn chhiú-tōaⁿ, i ùi GASO ê hu-gí hè-pè tui-chong kì-sut ê gōa-kok choan-ka ha̍k-sip ki-su̍t liáu-āu, chū-hùi khó-tiâu hu-gí hè-pè kau-e̍k kap tui-chong ki-su̍t chèng-su, hi-bāng pang-chān chà-phiàn pī-hāi-chiá thó-hôe kong-tō.
2023 nî 5 ge̍h sêng-li̍p Siā-thoân hoat-jîn Choân-kiû Hoán Chà-phiàn Cho͘-chit Tâi-oân hun-hōe, kâng-nî 9 ge̍h sin-chhéng kái-miâ chòe Tâi-oân Kok-chè Hoán Chà-phiàn Hia̍p-hōe（Taiwan International Anti-scam Association, TIAA）.
2024 nî hia̍p-chō͘ tui-cha Tâi-oân Chhòng-ì Su-pâng pōe-āu hu-gí hè-pè blockchain kim-liû, iû Hêng-sū-kiok chèng-si̍t sī Tiong-hôa-bîn-kok thâu-chi̍t-ê sêng-kong tòng-kiat hu-gí hè-pè ê àn-kiâⁿ.
Choan-àn Sió-cho͘ Tiau-cha
siu-kái2024 nî 12 ge̍h 6 hō, Chòe-ko Kiám-chhat-sú chí-chhut, chit-ê àn kan-siap ê gî-tiám kap siā-hōe koan-chù téng-téng sū-hāng, í-keng hōe-chéng ì-kiàn hoat-kau Sin-tek Tē-hng Kiám-chhat-sú chí-phài kiám-chhat-koaⁿ sêng-li̍p choan-àn sió-cho͘, choân-le̍k tiau-cha chhia-hō goan-in, lî-chheng siong-koan gî-lū, tiau-cha kiat-kó ē tîn-pò Tâi-oân Ko-téng Kiám-chhat-sú kap Chòe-ko Kiám-chhat-sú. Sin-tek Tōe-kiám-sú piáu-sī, kiám-chhat-koaⁿ tī chiap-tio̍h kèng-hong chhia-hō àn-kiâⁿ pò-giām thong-ti liáu-āu, tû-liáu i-hoat sûi chìn-hêng siong-giām thêng-su í-gōa, kiám-chhat-tiúⁿ Tiuⁿ Ûn-kî koh chek-sêng tiōng-tōa àn-kiâⁿ choān-chek-cho͘ chú-jīm kiám-chhat-koaⁿ Âng Siông-phiau sêng-li̍p choan-àn sió-cho͘, choân-bīn tiau-cha sū-kò͘ goan-in, lî-chheng siong-koan gî-tiám.