Tāi Tiâu-sián chù-chat Bí-kok Washington kong-sài koán
Tāi tiâu-sián tsù-tsat bí-kok washington kong-sài kuán (hân-gú: 대조선 주차 미국 화성돈 공사관 (大朝鮮駐箚美國華盛頓公使館); ing-gú: Old Korean Legation Museum; Kū tiâu-sián sài-kuán phok-bu̍t-kuán) sī tsi̍t-tsō li̍k-sú iu-kiú ê kòo-ki phok-bu̍t-kuán, khiā-tī Bí-kok Washington, D.C. Logan înn-khuân ke-khu 15 Logan Circle NW (mā lia̍t-tsò 1500 13th Street NW). Tī 1877-nî khí-hó, sī kun-kuann hām tsìng-tī-ka Seth Ledyard Phelps ê tsū-sóo, sî-kan uì 1889-nî kàu 1905-nî, teh Ji̍t-pún khòng-tsè hân-kok tsìng-hú ê sî-tsūn, tsit-king tshù pat-sī tiâu-sián ông-kok hām tāi-hân tè-kok ê tāi-sài-kuán. Tsit-ê kiàn-tio̍k tī 1910-nî iōng 10bí-guân ê kè-siàu bē tshut-khì, āu--lâi iōng-tsō hui-è bí-kok lâng ê gû-lo̍k tiong-sim, kang-huē tuā-thiann kah su-jîn tsū-the̍h.
| Tāi tiâu-sián tsù-tsat bí-kok washington kong-sài kuán (Kū tiâu-sián sài-kuán phok-bu̍t-kuán) | |
 Tāi tiâu-sián tsù-tsat bí-kok washington kong-sài kuán tī 2022 | |
|---|---|
| Chùn-kang | 1877 |
| Só͘-chāi | Bí-kok Washington, D.C. (NW 13th Street 1500), NW Logan Circle 15 |
Tuì tsiânn-tsē hân-kok lâng lâi kóng, tsit tsōkiàn-tio̍k the̍h-tshínn tio̍h Ji̍t-pún kiông-hîng tsiap-kuán in ê kok-ka hām hân-kok sòng-sit tsú-kuân.King-kuè hân-kok lâng sòo-si̍p nî ê pò-kè; tsit-ê bu̍t-gia̍p tī 2012-nî iû i-ê tn̂g-kî sóo-iú-tsiá tshut-siū hōo hân-kok tsìng-hú ê bûn-huà î-sán kuán-lí-thing kah tāi hân bîn-kok bûn-huà î-sán kok-ka sìn-thok. King-kuè to-nî, khai beh sòo pah-bān bí-kim lai huan-siu liáu-āu, Tāi-hân tè-kok tsù bí-kok kong-sài kuán phok-bu̍t-kuán tī 2018-nî khai-hòng. Tsit tsō Victorian hong-keh ê phok-bu̍t-kuán siat-iú tôo-su-kuán, iàn-huē-thiann kah sió kong-hn̂g, sī Logan înn-khuân li̍k-sú ke-khu ê tiōng-iàu tsâi-sán kah tuā 14-ke li̍k-sú ke-khu.
Ên-sin ua̍t-to̍k
siu-kái- Lee, Yur-Bok (1983). Establishment of a Korean legation in the United States, 1887 - 1890: A study of conflict between the Confucian world Order and modern international relations. Illinois Papers in Asian Studies. III. University of Illinois. (Eng-gí)
Tsham-ua̍t
siu-kái- List of museums in Washington, D.C.
- Koreans in Washington, D.C.
- South Korea–United States relations
- Kim-iông kau-e̍k sòe
Guā-pōo liân-kiat
siu-kái
- Koaⁿ-hong bāng-chām (Eng-gí)