Tan-it koán-hat-khu

Tan-it koán-hat-khu (unitary authority) sī chi̍t khoán tē-hng hêng-chèng khu-ōe hêng-sek. Te̍k-sek sī tan-it ê chân-kip, chú-koán khu lāi só͘-ū tē-hng chèng-hú kong-lêng, he̍k-chiá sī kiam chò chi̍t kóa tiām phó͘-thong tē-hng sǹg sī téng kip chèng-hú gia̍p-bū ê tāi-chì.

Tan-it koán-hat-khu it-poaⁿ sī hâm kui chō siâⁿ-chhī, chia ê siâⁿ-chhī ū lêng-le̍k to̍k-li̍p si̍t-hêng tē-hng chèng-hú kong-lêng.

Liân-ha̍p Ông-kok

Tī Liân-ha̍p Ông-kok ê chè-tō͘ tan-it koán-hat-khu sī tùi 1994 nî ê tē-hng chèng-hú tiâu-chéng siat--chhut-lâi-ê, hoat-lu̍t i-kù sī 1992 nî Tē-hng Chèng-hú Hoat-àn (Local Government Act 1992). Só͘ cho-sêng ê chit khoán tan chân (single tier) tē-hng chèng-hú hū-chek chha-put-to choân-pō͘ tē-hng chèng-hú ê kong-lêng.

Siong-tùi lâi kóng Eng-lân tōa-hūn só͘-chāi chhái-ēng ê sī siang chân (two-tier) hē-thóng ê tē-hng chèng-hú, hit khoán tē-hgn chèng-hú ê kong-lêng sī koah hūn hō͘ téng chân ê kūn hia̍p-gī-hōe (county council) kap ē-chân ê khu (district/borough) hia̍p-gī-hōe chhù-lí.