"Hâng-khong-ki" pán-pún chi-kan bô-kāng--ê tē-hng

George Cayley sūi-bóng phah-hā chin tiōng-iàu ê ki-chhó͘chhó·, m̄-koh i ê sêng-chiū tī hit-tong-sî bô siū-tio̍h tiōng-sī. Chi̍t-kóa-á āu-lâi ê hui-hêng-khì siat-kè-chiá, ū chham-khó tio̍h Cayley ê lí-lūn, soah bô it-tēng chai-iáⁿ chia-ê lí-lūn sī Cayley só͘só· gián-kiù--chhut-lâi-ê.

Kap George Cayley kāng sî-tāi ê [[William Samuel Henson]] (1812-1888), tī 1843-nî siat-kè liáu chi̍t-khóan lī-iōng [[cheng-khì-ki]] tài-tōng nn̄g-ê [[phiat-á]] ê kò͘-tēng-e̍k hui-hêng-ki. Chit-ê siat-kè hō-chò [[khong-tiong cheng-khì-chhia]] (en: aerial steam carriage), chú-iàu sī í Cayley ê gián-kiù chò ki-chhó͘chhó· lâi siat-kè--ê. Sui-jiân miâ-siaⁿ bē-sió, m̄-koh chit-ê mi̍h-kiāⁿ kan-na ū siat-kè, pēng bô si̍t-chè ê chè-chok sêng-phíⁿ, tong-jiân iā bô chìn-hêng jīn-hô ê chhì-poe.

Tī [[Hoat-kok]] mā ū siong-koan ê si̍t-giām kap hoat-tián. 1857-nî kàu 1858-nî, ū 1-ūi miâ-kiò [[Félix Du Temple]] ê [[hái-kun]] kun-koaⁿ (iā sī kang-thêng-su), sêng-kong chhì-poe tē-1-chiah ū tōng-le̍k ê tan-e̍k mô͘mô·-heng-ki. Chit-chiah hui-hêng-ki ê tōng-le̍k sī sú-iōng [[sî-cheng]] ê ki-hâi [[hoat-tiâu]]. 1874-nî ê sî, i chìn-1-pō͘pō· sêng-kong chhì-poe lī-iōng mó͘mó· 1-khóan jia̍t-khì iân-jín ê chài-lâng hui-hêng-ki. Chit-chiah iû 1-ūi siàu-liân [[kiâⁿ-chûn-lâng]] só͘só· kà-sú ê hui-hêng-ki, kan-na khí-poe 1-ē-á, pēng bô î-chhî hui-hêng ê sè-bīn.