Sîn ê Chhiú-chih-phō͘
Sîn ê Chhiú-chih-phō͘ (神様のメモ帳 Kami-sama no Memo-chō, lit. "Sîn ê Chhiú-chih-phō͘") sī Ji̍t-pún chok-ka Sam-chéng Kong (杉井光) siá--ê chi̍t pō͘ khin-sió-soat, chap-tô͘ sī Gān-tiân Mel. Ùi 2007 nî kàu 2014 nî tī Tiān-kek Bûn-khò͘ chhut-pán. Mā bat hông kái-chò bàng-gah kap tōng-oē.
| Sîn ê Chhiú-chih-phō͘ | |
|---|---|
| 神様のメモ帳 | |
| Lô-má-jī | Kami-sama no Memo-chō |
| Lūi-hêng | Mystery |
| Light novel | |
| Chok-chiá | Sam-chéng Kong |
| Chap-tô͘ | Gān-tiân Mel |
| Chhut-pán | ASCII Media Works |
| Tùi-siōng | Male |
| Bûn-khò͘ | Tiān-kek Bûn-khò͘ |
| Liân-chāi | January 25, 2007 – September 10, 2014 |
| Chip-sò͘ | 9 |
| Bàng-gah | |
| Chok-chiá | Sam-chéng Kong |
| Illustrated by | Tiv |
| Chhut-pán | ASCII Media Works |
| Demographic | Shōnen |
| Cha̍p-chì | Dengeki Daioh |
| Original run | August 2010 – September 2012 |
| Volumes | 3 |
| Pang-bô͘ soat-bêng | |
Kò͘-sū siu-kái
Têng-tó Bêng-hái sī chi̍t-ê tī Tang-kiaⁿ tha̍k-chheh ê ko-tiong-siⁿ, i bô siūⁿ-beh kap in tông-o̍h goā chhin-chhiang, soah liân in tông-hak ê miâ lóng bô kì-tiâu. Tān-sī, i ū-chi̍t-kang hō͘ in tông-o̍h Siáu-kiā Chhái-hā giù kàu oân-gē-siā, koh hông soā-kàu NEET Cheng-thàm-toân. In ê toân-tiúⁿ sī Alice, i sī chi̍t-ê chin gâu ê hacker kap cheng-thàm, tiāⁿ-tiāⁿ khò i ê lêng-la̍t kái-koat àn-kiāⁿ. Tī kò͘-sū lāi, in tú-tio̍h pah-pah-chéng hoàn-choē àn-kiāⁿ.
Jîn-bu̍t siu-kái
- Têng-tó Bêng-hái (藤島 鳴海 Fujishima Narumi)
- Pún-choh Chú-kak, tông-sî mā-sī kò͘-sū-tiong ê tè-it-jîn-chheng. 16 hòe. 10 goe̍h 31 ji̍t siⁿ. Sin-kôaⁿ 164cm, thé-tāng 51 kong-kin. Seⁿ-chò hui-siông pêng-hoân. Bú-chhin í-keng óng-seng à, hū-chhin in-ūi kang-khoeh ê koan-hē, tn̂g-kî bô tī-teh chhù-lāi, in-chhú pêng-sî chhù-ni̍h chí-ū i kap i ê á-ché jî-í.
- Alice (アリス) / Chú-oán-sī Iú-chú (紫苑寺 有子 Shionji Yūko)
- Chū-chheng NEET cheng-thàm ê, nî-lêng bô-chheng-chhó, khòaⁿ-khí-lâi kan-nā 12, 13 hòe ê khoán. Sin-koân 130 kong-hun í-hā. Ū tioh tn̂g-sin ê siang-thúi, tn̂g o͘-hoat. Chhùi-chúi siang-tong lī-hāi, tān kóng-ōe lóng-bē liû-chêng, put-sam-sî káu-liām-lō͘.
- Siáu-kiā Chhái-hā (篠崎 彩夏 Shinozaki Ayaka)
- Bêng-hái ê tông-pan tông-ha̍k. Pē-bú hun-khui-tòa, hâm í-chêng kap Chhái-hā kám-chêng chin bē-hó ê a-hiaⁿ mā chin-chió ū ki-hōe kìⁿ-bīn. Tī "Hoa-oân Gōa-séng-tiām" kiam-chit.
- Bêng Thâu-ke (明 ミンさん, Min) / N̂g Bêng-lē (黄明麗 Fan Min-Lī)
- Tiong Ji̍t ê poà-hóng-á. Pún-chêng sī lé o̍h chò ke-nn̄g-peng, āu-lâi khui goā-séng-tiām ê lāu-pē sit-chong, chí-hó tǹg-lâi kè-sêng i ê tiām.
- A-tiat (テツ) / It-kiong Tiat-hiông (一宮 哲雄 Ichinomiya Tetsuo)
- NEET Cheng-thàm-thoân lāi siong gâu sio-phah ê. Ùi Bêng-hái tha̍h ê M-tiong thêng-o̍h ê ha̍k-tiúⁿ. Bat phah koè bo̍k-sèng, m̄-koh chit-má hong-kiáu. Khah-chá tiāⁿ-tiāⁿ sio-phah, hông lia̍h-khì kéng-kio̍k, só͘-í kap o͘-tō mā chin sek.
- Siàu-hāu (少佐 Shōsa) / Hiòng-chéng Kun (向井 均 Mukai Hitoshi)
- Hū-chek siu-chi̍p chêng-pò ê. Chin gâu chiap-thiaⁿ kap thau-hip. Seⁿ-chò chhin-siū gín-á, soah sī tāi-ha̍k-siⁿ. Mī-tio̍h kun-sū. Ū tāi-ha̍k kàu-siū lóng o-ló ê tiān-chú-kang-têng tì-sek kap kì-sut.
- Hông-á (ヒロ Hiro) / Song-goân Hông-bêng (桑原 宏明 Kuwabara Hiroaki)
- Cheng-thàm-thoân ê kong-koan, iân-tâu, chhùi-chúi koh hó. Kî-sit sī chi̍t-ê chia̍h-nńg-pn̄g ê. Tiāⁿ-tiāⁿ kap cha-bó͘ sio-kàn. Gâu lī-iōng bat ê cha-bó͘ the̍h-tio̍h só͘-cha ê chu-liāu.
- Tē-sì-tāi (四代目 Yondaime) / Chô͘-chhun Chòng-it-lông (雛村 壮一郎 Hinamura Sōichirō)
- Pháiⁿ-kiáⁿ ê thâu-lâng. Kah-chá toà tī Koan-se, chhù-lāi sī chò seng-lí ê. Kap Bêng-hái sī oāⁿ-thiap--è.
Bàng-gah siu-kái
Tiv só kái ê bàng-gah ùi 2010 nî 8 goe̍h kàu 2012 nî 9 goe̍h tī Goe̍h-khan Tiān-kek Tāi-ông liân-chāi.
Tōng-oē siu-kái
Tōng-oē tī 2011 nî 7 goe̍h kàu 9 goe̍h hòng-sàng, J.C.Staff chè-chok.
Goā-pō͘ Liân-kiat siu-kái
- Official Kami-sama no Memo-chō anime website (Ji̍t-pún-gí)
- Kami-sama no Memo-chō at Tiān-kek Bûn-khò͘ (Ji̍t-pún-gí)