Teklimakan Soa-bo̍k
Teklimakan Soa-bo̍k (تەكلىماكان قۇملۇقى), hàn-miâ kiò Thah-khek-lah-má-kan (塔克拉瑪干), ūi-tī Sin-kiong ê Tarim Phûn-tē ê tiong-ng, sī Tiong-kok siāng tōa ê soa-bo̍k, iā sī sè-kài tē-cha̍p tōa soa-bo̍k. Kui-ê soa-bo̍k tang-sai iok 1000 kong-lí tn̂g, lâm-pak iok 400 kong-lí khoah, chóng bīn-chek ū 33-bān pêng-hong kong-lí. Pêng-kin nî-kàng-chúi bōe chhiau-kòe 100 mm, siāng kē kan-na 4 kàu 5 mm; ah pêng-kin cheng-hoat-liōng ū 2500 kàu 3400 mm.
