Thài-khong-so Challenger sū-kò͘
Thài-khong-so Challenger sū-kò͘ sī hō chò Challenger ê NASA Thài-khong-so tī 1986 nî 1 goe̍h 28 ji̍t Florida chāi-tē sî-kan chái-khí 11:38, tùi Kennedy Thài-khong Tiong-sim ê 39-hō Chām chhut-hoat liáu-āu bô loa̍h kú hoat-seng ê po̍k-chà sū-kò͘. Tong-sî beh chip-hêng STS 51-L jīm-bū, sū-kò͘ chō-sêng thài-khong-chûn goân-choân phò-hoāi, chûn téng choân-pō͘ ê thài-khong-jîn choân-pō͘ sí-bông, pau-koat Dick Scobee, Michael J. Smith, Ellison Onizuka, Judith Resnik, Ronald McNair, Gregory Jarvis, Christa McAuliffe.
Tiâu-cha
siu-káiTāi-chì hoat-seng liáu-āu, Bí-kok chóng-thóng Ronald Reagan chí-tēng liáu to̍k-li̍p ê Thài-khong-so Challenger Sū-kò͘ Chóng-thóng Úi-oân-hōe (Presidential Commission on the Space Shuttle Challenger Accident) lâi chhù-lí tiâu-cha khang-khòe, sêng-oân sī kap jīm-bū bô khan-liân ê jîn-sū. Tiâu-cha-chiá tè-bé khak-tēng sū-kò͘ ê khí-in sī tī chiàⁿ-pêng ê Kò͘-thé Hóe-chìⁿ Chō͘-thui-khì (Solid Rocket Booster) téng-bīn liân-kiat nn̄g chiat hun-tōaⁿ pō͘-hūn ê kò͘-chiong. Koan-kiàn ê sit-ngō͘ sī chhut-hiān tī ēng lâi chó͘-tòng jiân-liāu sia̍p-lāu ê O-khoân (O-rings) lêng-kiāⁿ.
Chham-khó
siu-kái- Joseph A. Angelo (2006). "Challenger accident". Encyclopedia of Space and Astronomy. Facts on File. ISBN 978-0-8160-5330-8.