Thó-lūn:Saudi A-la-pek

"Soa-tē A-lá-pek"

Tiong-tang ê pa̍t-ê A-la-pek kok-ka oân-ná ū "soa" ū "tē". Án-ne hō kám hó? A-giâu 13:32, 20 Jī-goe̍h 2006 (UTC)

Koan-hē "Soa-tē A-lá-pek":

1. "Soa-tē" 沙地 sī téng-í "Saudi" ê im, m̄-sī teh chí "sand land" ê ì-sù.
2. Góa pêng-siông kòan-sì kóng "Soa-tē A-lá-pek", bô-tè thang chhâ chit-kù ōe í-keng ū jōa-kú ê le̍k-sú ah. Tān-sī tī Internet thang khòaⁿ-kìⁿ 沙地阿拉伯 chit-kù bêng-chheng kàu taⁿ iáu-kú sī current (Google).
3. Kiám iáu ū pa̍t-khóan ê hoat-im? Góa khòaⁿ Tiong-bûn ê Wikipedia, koan-hē Saudi Arabia tī Tiong-bûn ê hoan-e̍k chú-iàu ū saⁿ chióng bô siāng-khóan ê orthography. Hiong-káng ê pán-pún (zh-hk) sī chhái-chhú 沙地阿拉伯; Tāi-lio̍k ê pán-pún (zh-cn) sī chhái-chhú 沙特阿拉伯. Só·-í nā bô tha̍k "Soa-tē" (沙地), chiū-sī tha̍k "Soa-te̍k" (沙特). Nā beh chiàu Tâi-oân ê Wikipedia ê pán-pún (zh-tw) ē ke khah tn̂g, in-ūi ū ke chi̍t jī, sī 沙烏地阿拉伯, pìⁿ-chòe "Soa-o·-tē A-lá-pek" (á-ī "Sa-o·-tē" iā khó-í).
   Tī chit-saⁿ-ê ê tiong-kan (Soa-tē, Soa-te̍k, Soa-o·-tē; saⁿ-ê lóng sī chiàu Kam jī-tián ê hoat-im), góa khòaⁿ nā tha̍k chò "Soa-tē" iû-gôan ē kám-kak khah sūn ê khóan. (Nā ū su-iàu, ia̍h ē-tàng thê-chhut-lâi chò piáu-koat.)

--HYC 11:43, 25 Jī-goe̍h 2006 (UTC)

Án-ne góa ū liáu-kái lí hō chit-ê miâ ê goân-chek. Góa lâi soat-bêng Holopedia ê goân-chek (góa ê liáu-kái):

• Kám ū thong-iōng ê kóng-hoat? ("Tâi-oân" ū thong-iōng, "Taiwan" bô thong-iōng, Soa-tē A-la-pek kài-sêng mā bô thong-iōng)
• Nā-chún bô, tio̍h iōng hit-ê kok-ka pún-tē ê kóng-hoat (lô-má-jī-hòa).
  • Nā-chún hit kok bô 1-ê chú-iàu ê gí-giân a̍h-sī ū kúi-nā-chióng kóng-hoat (Sūi-se), tio̍h kéng 1-ê khah "tiong-sèng" ê kóng-hoat.

A-giâu 05:59, 27 Jī-goe̍h 2006 (UTC)

Chit-ê tōe-miâ m̄-sī góa hoat-bêng ê, góa sī chí-ū ēng pún-tóe ū ê miâ lâi siu-kái cha̍p-chì nā-tiāⁿ.
Chhiáⁿ mn̄g nn̄g hāng tāi-chì:
-Lí só thê-khí ê Holopedia ê goân-chek siá tī tó-ūi, kiám ū chi̍t-hūn ē-tàng hō· lâng chò chham-khó?
-Lí só· kóng "thong-iōng" ê tēng-gī sī sím-mi̍h?
Tâi-oân-ōe chin-chōe choân-iú bêng-sû ūi-tio̍h khah-chió lâng teh ēng, á-sī khah-kú bô ēng, chin-chōe lâng chiū bô kî-hōe khì chiap-chhiok--tio̍h. Tī chit-ê chêng-hêng-hā, nā chin-chōe lâng í-keng bōe hiáu bó· chi̍t-kù choân-iú bêng-sû, tān-sī iáu ū pō·-hūn lâng teh ēng, teh kóng, kiám m̄-sī chīn-liōng ēng pún-tóe ū ê ōe ê ēng-hoat kap kóng-hoat, mài chiong i chhú-siau tiāu? Chi̍t ê pek-kho-choân-su kiám m̄-sī ū kàu-io̍k ê chok-iōng? (Tong-jiân, nā ū competing spellings chiū khó-í ēng redirects lâi chhú-lí.) Phí-jū lâi kóng, nā ū lâng chai-iáⁿ "Malaŵi" Tâi-oân-ōe cháiⁿ-iūⁿ ho·, góa iā ē chin hoaⁿ-hí lâi ha̍k-si̍p, in-ūi chit-ê sī chi̍t-ê Hō-ló-ōe ê pek-kho-choân-su.
--HYC 12:31, 8 Saⁿ-goe̍h 2006 (UTC)