東寧國（1661年至1683年）是大明延平王鄭成功建立的國家[1][2]，是臺灣歷史上的一个河佬儂政權，東寧國佇彼當時東亞的地位是大明的藩國，彼當時大明，其實佇1662年明昭宗死佇昆明了後就已經滅亡，所以東寧國煞變做無宗主的藩國矣。
為著維持東寧國的地位，東寧國的歷代君王攏繼續使用明昭宗的永曆年號，代表東寧國和大明之間的宗藩關係，另外，東寧國嘛禮遇真濟大明宗室，譬喻寧靖王朱術桂。
