Pang-chān:鄭成功

(Tùi 鄭成功 choán--lâi)


鄭成功
延平王
東寧國國王
在位 1661年6月14號 – 1662年6月23號
繼任 鄭襲
王妃 董友
細姨 莊氏、林氏、溫氏、、史氏、蔡氏、曾氏、蔡氏、許氏
囝兒 囝:鄭經、鄭聰、鄭明、鄭睿、鄭智、鄭寬、鄭裕、鄭溫、鄭柔、鄭發
4查某囝
尊號
延平王
國姓爺
諡號
武王
王朝 東寧
老爸 鄭芝龍
老母 田川松
出世 鄭森、福松
1624年8月27號
日本肥前國平戶
過身 1662年6月23號(37歲)
東寧國安平

鄭成功(1624年–1662年),原名號做鄭森,後來明朝唐王隆武皇帝賜予伊姓「朱」,名號做「成功」,所以人嘛稱呼伊「國姓爺」,鄭成功是明朝最後一亇主張反清復明兮官員,伊趕走彼當時佔領臺灣兮「紅毛番」(荷蘭人),到今,佇福建臺灣兮民間猶原流傳著真濟有關鄭成功兮歷史古蹟佮神奇兮傳說,鄭成功過身了後,伊兮跟隨者將伊葬佇臺灣鹿耳門港兮附近,鄭成功在生兮時陣,紅毛番嘛攏共伊叫做「國姓爺」。

鄭成功兮一世人 siu-kái

鄭成功𪜶老爸鄭芝龍,歸順清朝進前是海賊兮頭人,母親是日本人,名號做「田川松」,鄭成功出世佇日本靠海兮城市平戶,七歲以前,鄭成功一直和𪜶老母蹛佇 平戶,了後倒轉到福建省晉江縣安平鎮(現在安海)生活了十外年,鄭成功自細漢飽讀經書,伊深深了解著東方兮傳統禮數佮民族意識。

起義 siu-kái

唐王隆武皇帝不幸被害,明朝落敗,鄭芝龍認為明朝氣數已盡,姑不而將孤一亇去向清朝投降,也著是佇這亇時陣,清兵侵門踏戶,毋但搶劫鄭家,又閣侮辱鄭成功𪜶老母,鄭母不甘遭受蹧躂,煞來吊脰自殺,西元1645年,「國恨家仇」逼使鄭成功起來造反,起義兮所在是小金門,起義兮口號是「忠孝伯招討大將軍罪臣朱成功」,此去十六年,鄭成功倚靠金門廈門做為根據地,完全控制治轄權,鄭成功和番仔人做生理,募集資金,招兵買馬,伊閣派出親信,佇大陸開商行,收集清朝兮情報,期間鄭成功捌起義過幾仔擺,有時嘛揣藉口,佮清朝假議和,爭取時間成養兵馬。

西元1659年,鄭成功出兵攻打南京失敗,兩年後,根據地徙過去臺灣。

東都臺灣 siu-kái

 
鄭成功的像,臺灣臺南安平

西元1661年,鄭成功出兵拍臺灣,將臺灣過名叫「東都」,目兮是希望會當迎接南明永曆皇帝桂王來臺灣,也就是佇這亇時陣,清朝順治皇帝頒布遷界命令,時間維持二十年遐爾久,按呢鄭成功嘛斷絕了經濟支援,不得已開始開墾佮建設臺灣這塊土地,西元1662年鄭成功𪜶老爸鄭芝龍佇北京夆斬首,閣無偌久了後,鄭成功拍敗紅毛番仔荷蘭人,共𪜶趕出臺灣,啊毋過無偌久了後傳來南明永曆皇帝去蘇州賣鴨卵兮消息,這一切攏增加鄭成功無限兮憂愁佮鬱卒,仝年兮五月,鄭成功接載𣍐牢,破病過身,享年三十九歲。

鄭成功死了後,伊兮後生鄭經繼續踮臺灣經營統治,不而過成效有限,西元1683年,鄭克塽向清朝投降,西元1684年,臺灣府正式納入中國兮版圖,隸屬於福建省,下面設治臺灣縣鳳山縣諸羅縣

評價 siu-kái

鄭成功是明朝末年福建泉州南安縣兮人,伊趕走彼當時霸佔臺灣紅毛番荷蘭侵略者,並且開發臺灣,將先進兮漢族文明引入臺灣,一直到甲今仔日,鄭成功猶原是大多數中國人心中兮民族英雄。

不而過佇臺灣佮當今兮國際社會,嘛有真濟學者認為鄭成功是外來者,支持這種觀點兮人認為佇咧鄭成功來到臺灣進前,臺灣這亇所在並無漢人佮漢文化,嘛毋捌佇明朝進前接受過中國任何一亇朝代兮統治佮管轄,𪜶講漢人佮紅毛人來到臺灣以前,臺灣是原住民兮所在,所以嘛無算是中國兮領土。

有關兮傳說 siu-kái

有關文章 siu-kái