Thunderbolt Fantasy Tong-lî Kiàm-iû-kì

Thunderbolt Fantasy Tong-lî Kiàm-iû-kì (Hàn-jī: - 東離劍遊紀) sī Tâi-oân Phek-le̍k Kok-chè To-mûi-thé Iú-hān kong-si (霹靂-) kap Ji̍t-pún Nitro+ kong-sī--ê kio̍k-pún-ka Hi-ian Hiân (虚淵玄) téng liân-ha̍p chè-chok--ê Pò͘-tē-hì iáⁿ-chi̍p, chú-tē sio̍k-tī Tiong-hoâ hong-keh--ê bú-hia̍p (武俠) kî-hoàn. Phoè-im ū Hô-ló-oē, Ji̍t-gí kap Hoâ-gí 3 chióng. 2016 nî 7 goe̍h thâu 1 pái pò͘-chhut, tī ji̍t-pún mā kái-pian-chò bàng-gah, kè-oē tī 7 goe̍h ji̍h--nih (hā-sûn, 下旬) chhut-pán.

Khí-goân

Kio̍k-pún-ka Hi-ian Hiân lâi kah Tâi-pak Tōng-bān-chiat--ê sî, khoàⁿ-tio̍h Phek-le̍k Pò͘-tē-hì--ê tián-lám. Liáu-āu i tiō tńg Ji̍t-pún kā an-ne--ê gē-su̍t pò-hō͘ tong-sū chai. Choè-āu Phek-le̍k, Nitro+ kap Good Smile Company liân-ha̍p, chêng-li̍p Thunderbolt Fantasy Project chè-chok.

Chè-chok tan-ūi kap jîn-oân

Goân-chok, chè-chok: Thunderbolt Fantasy Project
Goân-àn (原案), pian-kio̍k, chóng-kàm-siu: Hi-ian Hiân
ián-chhut, liap-iáⁿ: Phek-le̍k Kok-chè To-mûi-thé
Jîn-bu̍t sè-kè: Nitro+ (Sam-tō͘ Sinovu (三杜シノヴ Minori Sinovu), Goân-kak (源覚), Niθ, Tiong-iong tang-kháu (中央東口 Tyûô Higasiguti))
Ang-á chō-hêng kò͘-būn: Good Smile Company
Bú-khì Sè-kè: Phek-le̍k Kok-chè To-mûi-thé, Se̍k-tō͘ Makoto (石渡マコト Isiwata Makoto)
Im-ga̍k: Te̍k-iá Hông-chi (澤野弘之)
Im-hióng Kàm-to̍k: Giâm-lōng Bí-hô (岩浪美和)
Chú-tê-koa - T.M.Revolution "RAIMEI"

Hòng-sàng-tiám

Tâi-oân

Phek-le̍k Youtube Phîn-tō
Bahamut Tong-oē-hong (Koaⁿ-oē: 巴哈姆特動畫瘋)
Ài-kî-gē (愛奇藝) Tâi-oân-chām