Tiong-Phû Liân-ha̍p Seng-bêng

Tiong-Phû Liân-ha̍p Seng-bêng (中葡聯合聲明), choân-chheng Tiong-hôa Jîn-bîn Kiōng-hô-kok Chèng-hú hām Phû-tô-gâ Kiōng-hô-kok Chèng-hú koan-î Ò-mn̂g Būn-tê ê Liân-ha̍p Seng-bêng (中華人民共和國政府和葡萄牙共和國政府關於澳門問題的聯合聲明), sī Tiong-hôa Jîn-bîn Kiōng-hô-kok hām Phû-tô-gâ Kiōng-hô-kok chiū Ò-mn̂g būn-tê kiōng-tông hoat-piáu ê chi̍t-hūn liân-ha̍p seng-bêng, tī 1987 nî 4 goe̍h 13 hō iû Tiong-kok Kok-bū-īⁿ Chóng-lí Tiō Chí-iông hām Phû-tô-gâ Chóng-lí Aníbal Silva tī Tiong-kok Pak-kiaⁿ chhiam-tēng. Tiong Phû 2 kok chèng-hú tī 1988 nî 1 goe̍h 15 hō hō͘-siong kau-ōaⁿ phoe-chún-su, Tiong-Phû Liân-ha̍p Seng-bêng chèng-sek seng-hāu.