Tiong-soàⁿ (kí-hô-ha̍k)

Saⁿ-kak-hêng lāi-té, tiong-soàⁿ tō sī 1 ê toan-tiám kap i tùi-bīn hit ê piⁿ ê tiong-tiám liân--khí-lâi ê soàⁿ. I ē kā saⁿ-kak-hêng chhiat chò 2 tè, 2 tè ê bīn-chek pêⁿ toā. 3 tiâu tiong-soàⁿ ē tī saⁿ-kak-hêng ê chit-sim (chit-liōng tiōng-sim) sio kau-chhe. Chit-sim ē kā ta̍k tiâu tiong-soàⁿ chhiat chò 2:1 ê 2 koe̍h soàⁿ-koe̍h.

Saⁿ-kak-hêng ê tiong-soàⁿ kap chit-sim

Pa̍t tiâu kā saⁿ-kak-hêng chhiat chò pêⁿ toā bīn-chek ê soàⁿ lóng bē thong-koè chit-sim.