RMS Titanic
(Tùi Titanic choán--lâi)
RMS Titanic sī Olympic-kip ê kheh-chûn, só͘-iú-chiá sī White Star Line, sī Harland and Wolff chō-chûn kong-si tī Liân-ha̍p Ông-kok ê Belfast chè-chō, teng-kì tī Liverpool, 1911 nî hā-chúi.
Titanic ê pâi-chúi ū 52,310 ton; tn̂g-tō͘ 269.06 m; khoah-tō͘ 28.19 m; chia̍h-chúi ū 10.54 m, sī hit-tong-sî thong-sè-kài siōng-toā ê chài-kheh khì-chûn, lō͘-sòaⁿ sī tùi Southampton kàu Bí-kok ê New York City.
Titanic tī 1912 nî 4 goe̍h 14 ji̍t ê àm-sî, thâu-pái hâng-hêng ê sî-chūn, khì lòng-tio̍h chi̍t-ê peng-soaⁿ, āu-bóe tī nn̄g tiám-cheng āu, 4 goe̍h 15 ji̍t ê sî-chūn tîm-lo̍h Tāi-se-iûⁿ, chûn téng 3,547 ê lâng lāi-bîn ū 1,517 sí-bông, sī le̍k-sú-siōng sí-bông siōng-chè ê chûn-lān chi it.