Tiuⁿ Io̍k-sêng
Tiuⁿ Io̍k-sêng (張育成; 1995 nî 8 goe̍h 18 ji̍t chhut-sì ) sī Tâi-oân Tâi-tang-koān chhut-sin ê chit-gia̍p iá-kiû soán-chhiú. I sī A-bí-cho̍k lâng, siú-pī ūi-tì sī lāi-iá-chhiú. I hiān-chhú-sî hāu-le̍k Bí-kok Iá-kiû Tāi Liân-bêng ê Boston Red Sox, i tī hia teng-lio̍k ê miâ hō-chò Yu Chang.
_(cropped).jpg)
Tiuⁿ Io̍k-sêng 2013 nî ko-tiong pit-gia̍p liáu-āu hām Bí-kok Iá-kiû Tāi Liân-bêng Cleveland Indians chhiam-iok, khì Bí-kok sió-liân-bêng phah-kiû. Bóe-á tī 2017 nî tē-it pái chhut-hiān tī tāi-liân-bêng 40 lâng miâ-toaⁿ. 2019 nî khai-sí chèng-sek tī tāi-liân-bêng chhut-sài. 2022 nî kiû-kùi in-ūi kiû-thoân kau-e̍k kap sek-chhut téng goân-in, hāu-le̍k kòe 4 ki kiû-tūi. 2023 nî 2 goe̍h hām Boston Red Sox oân-sêng sio̍k-iok.