To̍k-li̍p Sin-bûn

To̍k-li̍p Sin-bûn (獨立新聞 / 독립신문 ^{Dongnip Sinmun}) sī tī Tiâu-sián Ông-tiâu bóe-kî hoat-hêng ê sin-bûn pò-chóa, sī Tiâu-sián Poàn-tó tē-it ê bîn-êng ê Hân-bûn kīn-tāi pò-chóa. To̍k-li̍p Sin-bûn tī 1896 nî iû chin chhut-miâ ê Hân-kok to̍k-li̍p ūn-tōng-ka Chhî Chài-pi̍t chhòng-kiàn; i-ê lōe-iông sī Hân-bûn kap Eng-bûn siang-gí, siōng-chá sī nn̄g kang hoat-hêng chi̍t pái, lo̍h-bóe hoat-tián chiâⁿ-chò ji̍t-pò. Eng-bûn pán-pún siōng-chá hām Hân-bûn pán-pún kāng-khoán nn̄g kang hoat-hêng chi̍t pái, lo̍h-bóe kái chò ta̍k-chiu hoat-hêng chi̍t pái.