Unix
(Tùi UNIX choán--lâi)
Unix (chèng-sek chù-chheh ê siang-piau hō chò UNIX™) sī 1 khoán tiān-náu chok-gia̍p hē-thóng (OS), 1960~70 nî-tāi tiàm AT&T ê Bell Labs khai-hoat--chhut-lâi, taⁿ í-keng pun chò kúi-ā-ê hun-ki (branch), khai-hoat-chiá pau-hâm kî-thaⁿ ê siang-gia̍p kong-si kap hui-êng-lī ê cho͘-chit.
Tī 1970 nî-tāi boé kàu 80 nî-tāi chhe ê khám-chām, Unix khò i tī ha̍k-su̍t-kài ê éng-hióng-la̍t khai-sí toā-toā hō͘ siang-gia̍p-kài chiap-siū. Hiān-chú-sî tû-liáu thong-koè jīm-chèng (certified) ê Unix hē-thóng, sêng-Unix (Unix-like) ê sán-phín -- pí-lūn kóng Linux, BSD kap Mac OS X -- oan-ná chin phó͘-phiàn.