You (tiān-sī-kio̍k)

You, a̍h-sī An-bîn Chheh-tiàm sī chi̍t chhut Bí-kok kiaⁿ-chhoah hoān-chōe lūi-hêng ê tiān-sī liân-sio̍k-kio̍k, Greg Berlanti chham Sera Gamble khai-chhòng, iû Warner Hiaⁿ-tī-á Tiān-sī Kong-si, Alloy Gû-lo̍k kah A+E Tiān-sī-bāng chè-chok. Thâu-chi̍t-kùi ê kio̍k-chêng sī ùi Caroline Kepnes ê kāng miâ siáu-soat lâi kái-pian; kò͘-sū kóng chi̍t ê New York-chhī ê chheh-tiàm tiàm-tiúⁿ Joe Goldberg ài-tio̍h i ê lâng-kheh Guinevere Beck, jî-chhiáⁿ ài kah chin chhi-bê, i soah khai-sí ēng hiān-tāi kho-ki lâi kā lâng siàng-bóe-āu, kā lâng kàm-sī.

You
Lūi-hêng	Sim-lí kiaⁿ-hiâⁿ Hoān-chōe phìⁿ
Goân-chhòng	You (siáu-soat) chok-chiá Caroline Kepnes
Khai-hoat	Greg Berlanti Sera Gamble
Chú-ián	Penn Badgley Elizabeth Lail Luca Padovan Zach Cherry Shay Mitchell
Pêng-pe̍h	Penn Badgley Elizabeth Lail Victoria Pedretti Tati Gabrielle
Kok-ka	United States
Gí-giân	Eng-gí
Kùi-sò͘	4
Chi̍p-sò͘	40
Tn̂g-tō͘	41–49 hun-cheng
Chok-khek	Blake Neely
Chè-chok
Chè-chok-jîn	Ryan Lindenberg Adria Lang Jason Sokoloff
Chip-hêng chè-chok	Marcos Siega Gina Girolamo Leslie Morgenstein Sarah Schechter Sera Gamble Greg Berlanti Lee Toland Krieger Silver Tree Michael Foley Azalea Brooke David Madden Justin W. Lo Neil Reynolds John Scott
Kán-chip	Harry Jierjian Gaston Jaren Lopez Troy Takaki Rita K. Sanders Felicia M. Livingston Erin Wolf Becca Berry Patrick Brian Piper Kroeze Alexander Aquino-Kaljakin Hovig Menakian
Gōa-kéng	New York Chhī California Chiu Los Angeles Kūn Eng-kok Lûn-tun
Liap-iáⁿ	David Lanzenberg W. Mott Hupfel Seamus Tierney Cort Fey Byron Shah Milos Moore Stijn Van Der Veken Minka Farthing-Kohl
Ki-ūi	Ko͘ kiàⁿ-thâu bô͘-sek
Chè-chok kong-si	Man Sewing Dinosaur Berlanti Chè-chok Alloy Gû-lo̍k A+E Tiān-sī-bāng Warner Hiaⁿ-tī-á Tiān-sī Kong-si
Hoat-hêng kong-si	Warner Hiaⁿ-tī-á Tiān-sī Kong-si
Pò͘-èng
Siú-pò pîn-tō	Lifetime (TV network) (thâu-kùi) Netflix (tē-2– kùi)
Sī-sìn keh-sek	1080p (16:9 HD tiān-sī) 4K (16:9 UHD tiān-sī)
Im-sìn keh-sek	5.1 khoân-jiáu siaⁿ-tō
Pò-chhut ji̍t-kî	2018 nî 9 goe̍h 9 ji̍t (2018-09-09)－kàu taⁿ
Gōa-pō͘
Lifetime Koaⁿ-hong bāng-chām
Netflix Chè-chok bāng-chām

Chit-chhut hì-kio̍k tī 2018 nî 9-goe̍h chhe-9 tī Bí-kok ê Lifetime pîn-tō thâu-kái hòng-sàng, 12-goe̍h 26 thàu-kòe sòaⁿ-téng streaming pêng-tâi Netflixkok-chè pán-khoân hòng-sàng. Che hì-kio̍k tī Netflix thui-chhut, tio̍h liâm-mi khip-ín-tio̍h chē-chē koan-chiòng, thui-chhut thâu-goe̍h-ji̍t ê hòng-sàng ê liōng í-keng chhiau-kòe 4-chheng-bān pái. 2018 nî 7-goe̍h 26, tī teh thâu-kái hòng-sàng chìn-chêng, Lifetime tō soan-pò͘ beh tēng-ia̍t tē-2 kùi, ē kin-kù Caroline Kepnes ê sio̍k-chok Ín-chông ê Sin-khu lâi kái-pian. 2018 nî 12-goe̍h chhe-3, hì-kio̍k ê hòng-sàng pêng-tâi ùi Lifetime tiān-sī-tâi sóa kàu Netflix koân-téng; ùi tē-2 kùi khai-sí, chèng-sek chiâⁿ-chò Netflix ê goân-chhòng chiat-bo̍k chi-it.

Tē-2 kùi tī 2019 nî 12-goe̍h 26 thâu-pái hòng-sàng. 2020 nî chiaⁿ--goe̍h, Netflix kè-sio̍k tēng-ia̍t hì-kio̍k ê tē-3 kùi, tī 2021 nî 10-goe̍h 15 hòng-sàng. 2023 nî 2-goe̍h hòng-sàng tē-4 kùi tē-1 pō͘ ; 3-goe̍h hòng-sàng tē-4 kùi tē-2 pō͘.